موکأشفه 9:17 - کتاب مقدس به زبان گیلکی - گویش شرقی

¹⁷ أسپؤن و او سوارؤنه می رؤیای مئن ایطؤ بدئم: اوشؤن زره ئان رنگ، آتش سورخی و آبی کبود و گوگرد زردیِ دأشت. أسپؤن سر، شیر سره مؤنس و اوشؤن دهن أجی آتش و دود و گوگرد بیرین زی.

Gilaki New Testament

^17-18 اَشأنَ اَسبأن و سوأرأنٚ رویأ دورون بیدِم. اوشأنٚ سوأرأن، جنگٚ زره‌یَ دوکوده بود کی بعضیتأن آتشٚ سورخی رنگ، بعضیتأن آسمأنٚ آبی رنگ و البأقی زردٚ رنگ بو. اَشأنٚ اَسبأنٚ سٚر، ویشتر شیرأنٚ سٚرَ شبأهتٚ دٚئی و اوشأنی دٚهٚنٚ جَا دود و آتش و گوگرد بیرون اَمؤیی کی ایتأ قیسمت جٚه سه‌تأ قیسمتٚ مردومَ جٚه بین ببرد.

کتاب مقدس به زبان گیلکی - گویش رشت و غرب گیلان

¹⁷ اسبان و اونِ سوارانَ می رویا درون اَطو بيدِم: اوشانِ زره‌ئانِ رنگ، آتشِ سُرخی و آبی كبود و گوگرد زردیَ داشتی. اَسبانِ کله، شيرِ کله یَ مانستی و اوشانِ دَهنِ جا آتش و دود و گوگرد بيرون زِئی.

موکأشفه 9:17 ပူးပေါင်းရင်းမြစ်များ

موکأشفه 11:5

و اگه کسی بخأ اوشؤنه صدمه بزنه، اوشؤن دهن أجی آتش بل زئنه و اوشؤن دوشمنؤنه سوجؤنئنه و گورشأکؤنه. پس اگر یگ نفر بخأ اوشؤنه صدمه بزنه، خأن ایطؤ بکوشته ببون.

موکأشفه 14:10

اونم خدا غضب شراب أجی واخؤنه، او شراب کی پورملاته و خالیص، خدا غضب جؤم مئن دوده بوبؤ. او، مقدس فریشته ئان پیش و بره پیش، آتش و گوگرد همرأ عذاب کشنه.

موکأشفه 19:20

و او وحشی جؤنور گیرفتارأبؤ و اون همرأ او دورؤغ پیغؤمبر که او وحشی جؤنور جلؤ نشؤنه ئان و معجزات انجؤم دأ تا اوشؤنیِ که او وحشی جؤنور نشؤنه قبول بوده بون و اون مجسمهَ پرستش گودن، گول بزنه. اوشؤن هردو، زینده زینده، آتش سل مئن کی گوگرد همرأ سوجنه تؤدأ بوبؤن.

موکأشفه 20:10

و ابلیس که اوشؤنه گول بزئه بو، آتش و گوگرد سل مئن تؤدأ بوبؤ؛ اؤره که او وحشی جؤنور و او دورؤغ پیغمبر تؤدأ بوبؤبون. ایشؤن شبنده روز تا ابد و تا ابد عذاب کشنن.

موکأشفه 21:20

پنجمی سورخ عقیق أجی، ششمی آتشی عقیق أجی، هفتمی زبرجد أجی، هشتمی کبود یاقوت أجی، نهمی زرد یاقوت أجی، دهمی سبز عقیق أجی، یازدهمی فیروزه أجی و دوازدهمی بنفش یاقوت أجی.

موکأشفه 21:8

ولی ترسوؤن و بی ایمؤنؤن و فاسیدؤن و آدمکوشؤن و زیناکارؤن و جادوگرؤن و بت پرستؤن و تمؤم دورؤغگوؤن، اوشؤنِ همه ته نصیب، بلأگیته سل، آتش و گوگرد همرأ ایسه. ای، دومته مرگه.»

موکأشفه 9:18

ای سوته بلا همرأ، آتش و دود و گوگرد، که اوشؤن دهن أجی بیرین زی، یک سوم آدمؤن بکوشته بوبؤن.

موکأشفه 9:9

یکته آهینی سینه پوش خوشؤن سینه ئان سه دأشتن و اوشؤن بالؤن صدا، أرابه ئان و خیلی أسپؤن صدا مورسؤن بو کی جنگ ئبه تأخت زئدبون.