موکأشفه 8:7 - کتاب مقدس به زبان گیلکی - گویش شرقی

⁷ اولته فریشته خوشه شیپوره فی دوده و تگرگ و یکته آتش کی خون همأ قاطی بو، زمین سر بوارسه و یک سوم زمین و یک سوم دارؤن و تمؤم سبزه واشؤن بسوتن.

Gilaki New Testament

⁷ اوّلی فٚرٚشته شیپورٚ صدایَ بیرون بأوٚرده. نأخٚوٚرکی، زیمین رو تگرگ و آتش و خون بٚوأرسته، جوری کی ایتأ قیسمت جٚه سه‌تأ قیسمت زیمینٚ شین آتش بیگیفته و ایتأ قیسمت جٚه سه‌تأ قیسمت دأرأنٚ، تومأمٚ سبزه‌یأنٚ اَمرأ بوسوخته.

کتاب مقدس به زبان گیلکی - گویش رشت و غرب گیلان

⁷ اولّتا فیریشته خو شيپورِ درون فو بزِه، و تگرگ و آتشی كی خونِ اَمرا قاطی بو، زمينِ رو بَوارست و یک سیوّمِ زمين بُسوخت و يک سیوّمِ داران بُسوختيد و تمانِ سبزه واشان بُسوختيد.

موکأشفه 8:7 ပူးပေါင်းရင်းမြစ်များ

یعقوب 1:11

هوطوکه آفتاؤ خو سوزنده گرما أمره جؤر انه و وَشِ خشکَ کوئنه و اونه گُل کِئنه و اونه قشنگی از بین شنه، پولدار آدمم هیتو خوشه راهون میئن که پیش بیته از بین شنه.

۱پطرس 1:24

چون، «تمؤم جسم واشه مؤنه و تمؤم اون جلال، واشؤن گول مورسؤنه؛ واش دخوشنه و اون گولؤن کألنن،

موکأشفه 12:4

خوشه دوم همرأ یک سوم آسمؤن سیتاره ئانه جیمأگوده و زمین سر فوده. یوها او زنأک جلؤ کی زأسّه دبو بیسأ، تا هیطؤ که اون زأک دونیا بمأ اونه فبره.

موکأشفه 16:2

پس اولته فریشته بوشؤ و خوشه پیالهَ زمین سر فوده، و جیجائانی کی بدگیل و دردآور بو، او مردوم سر که او وحشی جؤنور نشؤنه دأَشتن و اون مجسمهَ پرستش گودن، ظاهیرأبؤ.

موکأشفه 16:21

و تگرگی که هرته حدودا پنجاه کیلؤ وزن دأشت، آسمؤن أجی بوارسه آدمؤن سر. آدمؤن، خدا تگرگ بلا وأسی لعنت بودن، چون ای بلا خیلی سخت بو.

موکأشفه 6:8

و مو نیگا بودم، و بین، یکته رنگ و رو بوشؤ أسپ بو و او کس نؤم که او أسپ سر سوار بو، مرگ بو؛ و بمرده ئان دونیا، اون دومبال أمأدبو. و اوشؤنه ایقتدار هدأ بوبؤ تا یک چهارم زمینه شمشیر و قحطی و کوشنده ناخوشئن و زمین وحشی جؤنورؤن همأ بکوشن.

موکأشفه 7:1

بأزون چهارته فریشته بدئم کی زمین چهارگوشه ایسأن و زمین چهارته باد جلؤ گینن تا هیچ بادی زمین سر و دریای سر و هیچ دار سر نأ.

موکأشفه 9:15

پس او چهارته فریشته که او ساعت و او روز و او ماه و او سال ئبه حاضیرأبؤبون، آزادأبؤن تا یک سوم آدمؤنه بکوشن.

موکأشفه 9:18

ای سوته بلا همرأ، آتش و دود و گوگرد، که اوشؤن دهن أجی بیرین زی، یک سوم آدمؤن بکوشته بوبؤن.

موکأشفه 9:4

و اوشؤنه بوته بوبؤ کی نه زمین واشؤنه و نه هیچ سبز واش یا داریِ صدمه نزنن، بلکه هچی او مردومه کی خدای مهره خوشؤن پیشؤنی سر ندأنن صدمه بزنن.