موکأشفه 6:12 - کتاب مقدس به زبان گیلکی - گویش شرقی

¹² و وقتی کی بره ششمی مهره بشکنئه، مو نیا بودم و بین، یکته پیله زلزله بمأ و خورشید، پلاس مورسؤن، سیاوابؤ و کامیل مانگ، خون رنگ بوبؤ.

Gilaki New Testament

¹² او وخت بٚرّه شیشومی مُهرَ وأکوده. نأخٚوٚرکی ایتأ پیله زلزله ایتفأق دکفته و خورشید ایتأ سیأ پارچه مأنستَن تأریک و سیأ بوبوسته و مهتأب، خونٚ رنگ بوبوسته.

کتاب مقدس به زبان گیلکی - گویش رشت و غرب گیلان

¹² و وقتی كی بَرّه ششمين مُهرَ بشکنه، من فندرستم و بیدین، ایتا پیله زمین لرزه بامو و آفتاب، پلاسِ مانستن، سياه بُبوست و کاملِ ماه، خونِ رنگ بُبوست.

موکأشفه 6:12 ပူးပေါင်းရင်းမြစ်များ

متّی 11:21

«وای بر تو، ای شهر خورَزین! وای بر تو، ای شهر بیت​صِیدا! چرِء که اگه معجزاتی که شیمه میئن انجوم بوبُو، صور و صیدون میئن انجوم بوبوبی، اونه مردومون خیلی زمت پیش، پلاس دودَن و خاکستر سر نیشتَن و توبه گودَن.

متّی 24:29

هو دَم، بعدِ او روزؤن مصیبت «”آفتاؤ تاریک بنه و ماهم ده نوتؤنه ستاره​أن آسمونای جیر کِئنن، و آسمونؤن قوتؤن به لرزه دکِئنه.“

متّی 24:7

قومی بر ضدقوم دیگه و مملکتی بر ضد مملکت دیگه ویریسنَه، و قحطی​أن و زلزله​أن خیلی جاأن هنه.

متّی 27:45

از ساعت دوازده ظهر تا ساعت سه بعدظهر، تاریکی تموم او ولایت بَیته.

متّی 27:54

وختی سربأزؤنِ فرمؤنده و اونه نفرات که ماموریت نگهبؤنی عیسی جیِ داشتن، زمین لرزه و ایی همه اتفاقون بدئن، خیلی بترسِئن و بوُتن: «راست راستِ او خدا ریکه بو.»

متّی 28:2

یدفا​ری یکته پیله زمین لرزه اتفاق دکته. چونکه خداوندِ یکته فرشته آسمونای جیر بومَه و مقبره سو بوشو و سنگِ اونه جلوأجی یکته کنارَی گرادا و اونه سر بنیشته.

مَرقُس 15:33

ساعت دوازده ظهر تاریکی سراسر او ولایت بیته و تا ساعت سه بعدظهر، طول بکشه

موکأشفه 11:13

و هو ساعت مئن یکته پیله زلزله بمأ و یک دهم شهر فگرسه و هفت هیزار نفر ای زلزله مئن بکوشته بوبؤن و زینده بومؤنسه کسؤن زهله بترکسه و آسمؤن خدا جلال بدأن.

موکأشفه 16:18

و آسمؤن برق و آسمؤنگؤر ویریسأ و پیله زلزله ایتفاق دکته؛ اوجور پیله زلزله که او زمت أجی که آدمی زمین سر ایسأبو تا ایسه، اون مورسؤن ایتفاق دنکته بو.

موکأشفه 16:8

چهارمی فریشته خوشه پیالهَ خورشید سر فوده، و خورشیده ایجازه بدأ بوبؤ تا مردومه آتش أجی بسوجؤنه.

موکأشفه 8:12

چهارمی فریشته خوشه شیپوره فی دوده و یک سوم خورشید و یک سوم مانگ و یک سوم سیتاره ئانه ضربه بوخؤرده، اوجور که یک سوم اوشؤن نور تاریکأبؤ. و یک سوم از روز، بی نور بومؤنسه و یک سوم از شؤ نی هیطؤ.

موکأشفه 8:5

بأزون فریشته، بخور منقله ویته و قوربؤنگه آتش أجی پورأگوده و زمین سر تؤدأ. آسمؤنگؤر دوخؤنکه دبو و برقی که آسمؤن مئن زی، و زلزله بمأ.