موکأشفه 22:6 - کتاب مقدس به زبان گیلکی - گویش شرقی

⁶ فریشته مأ بوته: «ای گبؤن راسته، شأنه ایطمینؤن گودن. خداوند، پیغؤمبرؤن روحؤن خدا، خوشه فریشتهَ سرأدأ تا او چیِ کی خأ خیلی زود ایتفاق دکئه، خو نؤکرؤنه نشؤن بدئه.»

Gilaki New Testament

⁶ او وخت فٚرٚشته مٚرَه بوگفته: «اَ گبأنَ شأ ایعتمأد کودن و رأست ایسه. و او خودا کی آینده ایتفأقأنَ جٚه پیشتر خو پیغمبرأنٚ رِه وأگویا کونه، خو فٚرٚشته‌یَ اوسه کوده کی اونچی‌یَ کی پور دِه بأقی نییٚه ایتفأق دکفه شِمِره وأگویا بوکونه.»

کتاب مقدس به زبان گیلکی - گویش رشت و غرب گیلان

⁶ فیریشته مَرا بگفت: «اَ گبان راستِ و شه اطمینان کودن. خُداوند، پیغمبرانِ روحانِ خُدا، خو فیریشته یَ اوسه کوده تا اونچی کی بايستی خَیلی زو اتفاق دَکفه، خو نوکرانَ نيشان بدِه.»

موکأشفه 22:6 ပူးပေါင်းရင်းမြစ်များ

متّی 13:41

انسؤنِ ریکه خوشِ فرشته​أنِ سرا دِئنه و اوشؤن هرچی که باعث و بانیِ گوناه بنه و تمؤم بدکارؤنم اونه پادشاهیَ جی جومَه کوئنن.

لوقا 1:70

هیطو که قدیمای خوشِ مُقدس پیغمبرون زوبؤن امره وعده بدا بو که

لوقا 16:16

«تورات و پیغمبرون تا یحیی تعمید دهنده زمون بو، بازین خدا پادشاهی خوروم خبر بدا بنه و همته تلاش کوئنین بزور او راهه دیرون بشین.

اعمالٚ رسولأن 12:11

بازین پطرس به خودش بومَه و بوته: «الؤن دِه حتَم دئنم که خداوند خو فرشته‌ سرادا و مَه هیرودیس چیکالَ جی و او تموم اذیت و آزاری که یهود مردوم اونه ریفاه ایسابون تا می سر بای، نجات بده.»

اعمالٚ رسولأن 3:18

ولی خدا هی کار أمره اوچیزی که تمؤم پیغمبرؤن زبونَ جی پیشگویی بوده بو انجوم برسونه که: اونه مسیح، عذاب کشنَه .

رومیأن 1:2

هو انجیلی کی پیشتر خُدا، بواسطه ی خوشه پیغمبرون، اونِ وعده مقّدس کتابون مئن بدابو،

اوّل قرنتیان 14:32

انبیا روح، انبیا جی فرمون بئنه.

اوّل قرنتیان 7:29

برارؤن، می منظور اینه که وقت تنگه. از ایی ببعد، اوشؤنی که زن دئنن اوجور زیندگی بکونن که انگار زن ندَئنن؛

دوم تسالونیکیان 1:7

و شمره کی عذاب کشنین و هیطؤ أمره نی، راحتی دئنه. او مؤقع کی خداوند عیسی خوشه زوردار فریشته ئان همأ آسمؤن أجی ظاهیر بنه،

عبرأنیأن 12:9

بعلاوه، امه زمینی پئرون داشتیم که امره تربیت بودن و امه اوشون احترومه داشتیم. یعنی نخأ خیلی ویشتر امئه روحؤن پئر مطیع ببیم تا زیندگی بکونیم؟

دوم پطرس 1:21

چونکی هیچ نبوتی آدمی ایراده أجی بأرده نوبؤ؛ بلکه آدمؤن بواسیطه روح القدس، خدا طرف أجی گب بزئن.

دوم پطرس 3:2

تا او کلؤمه کی مقدس پیغؤمبرؤن پیشتر بوتن و خداوند و أمئه منجی حکمه بواسیطه رسولؤن شمره هدأ، یاد بأرین.

موکأشفه 1:1

عیسی مسیح مکاشفه، کی خدا اونه هدأ تا او چیزؤنیِ کی خأ خیلی زود ایتفاق دکئه، خوشه نؤکرؤنه نشؤن بدئه. او اینه خوشه فریشتهَ سرأدأن همرأ، خو نؤکر، یوحنا به، آشکارأگوده.

موکأشفه 18:20

أی آسمؤن، اون ئبه شادی بوکون! أی مقدسین و رسولؤن و پیغؤمبرؤن، اون ئبه شادی بوکونین! چون خدا شیمئه تقاصه اون أجی هیته.»

موکأشفه 19:9

و او فریشته مأ بوته: «اینه بنویس: خوشا به حال اوشؤن که او بره عروشی شام ئبه دعوتن.» و مأ بوته: «ایشؤن، خدای حقیقی کلؤمن.»

موکأشفه 21:5

و او تخت نیشین بوته: «بین، مو تمؤم چیزؤنه تازه واکؤنم.» و هنده بوته: «اینه بنویس، چونکی ای گبؤن راستن و شأنه اوشؤنه اعتماد گودن.»

موکأشفه 21:9

بأزین یکته از او هفت ته فریشته که هفت ته پیاله پور از هفت ته آخرته بلا دأشتن، بمأ مأ بوته: «بیه! مو عروسه، یعنی برّه زنه، تأ نشؤن دئنم.»

موکأشفه 22:1

بأزون او فریشته، زیندگی آؤ روخؤنه مأ نوشؤن بدأ کی بلور موسؤن زنگ بو و خدای تخت و بره أجی روؤنه بؤ

موکأشفه 22:16

«مو، عیسی، می فریشتهَ شیمئه ورجه سرأدأم تا ای چیزؤنه کلیسائان ئبه شهادت بدئه. مو داوود رگ و ریشه و روجا ایسم کی فتؤنه.»

موکأشفه 22:7

«و بین، مو خیلی زود هنم. خوشا به حال او کس کی ای کیتاب نبوت کلؤمه بدأره.»

موکأشفه 4:1

بأزون نیگا بودم و یکته باز در، آسمؤن مئن بدئم و او اولته صدا کی بشتؤسه بوم کی یکته شیپور صدای مورسؤن می همأ گب زی، هنده بوته: «ائره بئه جؤر، و مو او چیِ کی این پسی خأن ایتفاق دکئه، تأ نوشؤن دئنم.»