موکأشفه 22:15 - کتاب مقدس به زبان گیلکی - گویش شرقی

¹⁵ سکؤن و جادوگرؤن و زیناکارؤن و آدمکوشؤن و بت پرستؤن و تمؤم اوشؤن کی دورؤغه دوست دأنن و اونه انجؤم دئنن، شهر بیرین وامؤنن.

Gilaki New Testament

¹⁵ ولی سٚکأن، ینی اوشأنی کی جأدو جنبل کونٚده، زٚنأ کونٚده، بُتَ پرستٚش کونٚده، قأتیلأن و همه اوشأنی کی دورُغَ دوس دأرٚده و اونَ انجأم دٚهٚده، نٚتأنٚد بٚشٚد او شهرٚ میأن.

کتاب مقدس به زبان گیلکی - گویش رشت و غرب گیلان

¹⁵ سگان و جادوگران و زیناکاران و آدم کوشان و بُت پرستان و تمانِ اوشان کی دوروغَ دوست دَریدی و اونَ انجام دیئیدی، شارِ بيرون مانيدی.

موکأشفه 22:15 ပူးပေါင်းရင်းမြစ်များ

متّی 7:6

«اوچی مقدسِ، سگؤنِ هندین و شیمه مرواریدؤنِ خوکؤنِ ورجه تؤنداین، نبی که اوشونه دمجَن و وگردَن و شمره حمله بکونن.

متّی 8:12

ولی اوشونی که آسمون پادشاهی شی ایسّن، بیرون، تاریکی میئن باگده بنن، اوره که ونگ زئنین و گازِ گازِ سر سوئنین!»

یوحنا 8:46

کویکته شیمه جَی تینه مَه، به یکته گوناه محکوم بکونی؟ پس اگه حقیقت شمره گونم، چرِء می گبؤنِ باور نوکؤنین؟

اعمالٚ رسولأن 8:11

مردوم اونه گبونِ گوش دَئن، چون خیلی زمت بو که خو جادوگری أمره، اوشونه ماتِ گوده بو.

فیلیپیان 3:2

او سکؤن اجی دوری بوکونین، او گوناهکارون اجی دوری بوکونین، اوشون اجی کی ختنه گودن ئبه، جسمه بینن، دوری بوکونین.

کولسیان 3:6

هیشؤن وأسئه خدای غضب، نافرمؤنی ریکه ئان سر بمأ.

اوّل تیموتائوس 1:10

زیناکارؤن و لواطکارؤن شی؛ اوشؤن شی کی برده بهین-بفورش کؤنن، دورؤغگوؤن شی، و اوشؤن شئه کی دورؤغ قسم خؤنن، و هرچی کی درست تعلیم ضیده؛

موکأشفه 18:23

و چیراغ نور د تی مئن فنتؤنه؛ د هیتّه عروس داماد صدا تأجی به گوش نرسنه. چون تی تاجیرؤن، زمین پیله کسؤن بون، و همه ته میلّتؤن تی جادو جی گومراه بوبؤن،

موکأشفه 21:27

ولی هیچ ناپاکی و هیکس که اون کارؤن نیفرت انگیز و دورؤغ أجی ببون، هرگی اؤره راه پیدا نوکؤنه؛ بلکه هچی فقط اوشؤنی که اوشؤن ایسم، بره حیات دفتر مئن بنویشته بوبؤ، اؤره راه پیدا کؤنن.

موکأشفه 21:8

ولی ترسوؤن و بی ایمؤنؤن و فاسیدؤن و آدمکوشؤن و زیناکارؤن و جادوگرؤن و بت پرستؤن و تمؤم دورؤغگوؤن، اوشؤنِ همه ته نصیب، بلأگیته سل، آتش و گوگرد همرأ ایسه. ای، دومته مرگه.»