موکأشفه 20:10 - کتاب مقدس به زبان گیلکی - گویش شرقی

¹⁰ و ابلیس که اوشؤنه گول بزئه بو، آتش و گوگرد سل مئن تؤدأ بوبؤ؛ اؤره که او وحشی جؤنور و او دورؤغ پیغمبر تؤدأ بوبؤبون. ایشؤن شبنده روز تا ابد و تا ابد عذاب کشنن.

Gilaki New Testament

¹⁰ بأزون شیطان کی اوشأنَ گول بٚزِه بو، آتشٚ دریأچه میأن تأوٚدأ بِه. آتشٚ دریأچه هو جیگأ ایسه کی گوگردٚ اَمرأ سوجه و او وحش و اونی دورُغی پیغمبر همیشٚک شبندروج، اویَه عذأب کشٚده.

کتاب مقدس به زبان گیلکی - گویش رشت و غرب گیلان

¹⁰ و ابلیس کی اوشانَ گول بزه بو، آتش و گوگردِ درياچه درون تَوَدَه بُبوست، اویا کی اُ واشی جانور و اُ دوروغِ پیغمبر تَوَدَه بُبوسته بید. اَشان شنبدِه روج تا ابد و تا ابد عذاب خوائيد کشِئن.

موکأشفه 20:10 ပူးပေါင်းရင်းမြစ်များ

متّی 25:41

بازین اوشؤنی که اونه چپ طرف أیسان، گونه: ”ای ملعونؤن، می جَی دورَ بین و ابدی آتش میئن بشین که، ابلیس و اونه فرشته​أنِ بِه آماده بوبو.

متّی 25:46

پس اوشون ابدی مجازات میئن دیرون شنن، امّا صالحون به زیندیگی ابدی.»

متّی 7:15

«دوروُغی پیغمبرؤنَ جی دوری بکونین. اوشؤن گوسندون رخت میئن شیمه ورجه هنن، امّا باطین میئن درنده وَرگون مورسون ایسّن.

مَرقُس 9:44

او جائی که اونه آتش دکوشؤنه نبنه.

موکأشفه 16:13

بأزین بدئم یوها دهن أجی و وحشی جؤنور دهن أجی و دورؤغ پیغؤمبر دهن أجی سوته پلید روح کی شوبوک مورسؤن بون، بیرین بمأن.

موکأشفه 19:20

و او وحشی جؤنور گیرفتارأبؤ و اون همرأ او دورؤغ پیغؤمبر که او وحشی جؤنور جلؤ نشؤنه ئان و معجزات انجؤم دأ تا اوشؤنیِ که او وحشی جؤنور نشؤنه قبول بوده بون و اون مجسمهَ پرستش گودن، گول بزنه. اوشؤن هردو، زینده زینده، آتش سل مئن کی گوگرد همرأ سوجنه تؤدأ بوبؤن.

موکأشفه 20:8

و بیرین هنه تا میلتؤنه، زمین چهار گوشه سر فیتأدئه- یعنی جوج و ماجوج که اوشؤن تعداد، دریاکنار فورشه مؤنه- تا اوشؤنه جنگ ئبه جیمأکونه.

موکأشفه 9:17

أسپؤن و او سوارؤنه می رؤیای مئن ایطؤ بدئم: اوشؤن زره ئان رنگ، آتش سورخی و آبی کبود و گوگرد زردیِ دأشت. أسپؤن سر، شیر سره مؤنس و اوشؤن دهن أجی آتش و دود و گوگرد بیرین زی.