موکأشفه 2:11 - کتاب مقدس به زبان گیلکی - گویش شرقی

¹¹ او که گوش دأنه، بشتؤه، کی خدای روح، کلیسائانه چی گونه. هرکس کی پیروز ببون، دومته مرگ أجی هیچ بلا اون سر نأنه.

Gilaki New Testament

¹¹ هرکی اَنَ ایشتأوه، خُب دیقت بوکونه کی خودا روح کیلیسایأنَ چی گه: هرکی پیروزَ بٚه، دویُمی مٚردنٚ جَا اونَ هیچی نیبه.

کتاب مقدس به زبان گیلکی - گویش رشت و غرب گیلان

¹¹ اونكی گوش دَره بيشتاوه، كی خُدا روح كليسائانَ چی گه. هرکَس كی پيروز بِبه، دوّمتا مرگِ جا بلائی اونِ سر نایه.

موکأشفه 2:11 ပူးပေါင်းရင်းမြစ်များ

متّی 11:15

هر کس گوش ایشتؤسنه به دئنه، بشتؤئی.

متّی 13:9

هر کس گوش ایشتؤسنِ به دئنه، بشتؤئی.»

مَرقُس 4:9

بازین عیسی بوته: «هر‌ کس گوش ایشتؤسنِ به دئنه، بشتؤئه.»

مَرقُس 7:16

هر‌ کس گوش ایشتؤسنه دئنه، بشتؤئی!»

لوقا 8:8

امّا اَنی از دنه أنم خُوروم زمین میئن بکالسه و سبزَ گوده و صد چندؤن بار بَئرده.» وختی که عیسی ایی حیکایت تمنه گوده، پیله صدا أمره بوته: «هر‌کی گوش، ایشتؤسن به دئنه، بشتؤئه!»

موکأشفه 13:9

او کی گوش دأنه، بشتؤه:

موکأشفه 2:17

او که گوش دأنه، بشتؤه، کی خدا روح، کلیسائانه چی گونه. هرکس کی پیروز ببون، او جا بدأ "منّا" جی اونه هدئنم و یکته سیفید سنگ اونه هدئنم که اون سر یکته تازه نؤم بنویشته هنّأ که هیکس اونه نودؤنه، جوز او کس که اونه هگینه.

موکأشفه 2:7

«او که گوش دأنه، بشتؤه، کی خدا روح، کلیسائانه چی گونه. هرکیِ کی پیروز ببون، اینه اونه بخشنم تا زیندگی دار میوه أجی کی خدای بهیشت مئن هنّأ، بوخؤره.»

موکأشفه 20:14

بأزین مرگ و بمرده ئان دونیا، آتش سل مئن تؤدأ بوبؤن. ای دومته مرگه، آتش سل.

موکأشفه 20:6

مقدس و مبارکه او که اولته زینده وأبؤن مئن سهم دأنه. دومته مرگ، ای جور آدمؤن سر هیچ قدرتی ندأنه؛ بلکه اوشؤن، خدا و مسیح کاهینؤن بنن و اون همرأ هیزار سال سلطنت کؤنن.

موکأشفه 21:7

هرکس پیروز ببون، اینه ایرث بئنه و مو اون خدا بنم و او می ریکه.

موکأشفه 21:8

ولی ترسوؤن و بی ایمؤنؤن و فاسیدؤن و آدمکوشؤن و زیناکارؤن و جادوگرؤن و بت پرستؤن و تمؤم دورؤغگوؤن، اوشؤنِ همه ته نصیب، بلأگیته سل، آتش و گوگرد همرأ ایسه. ای، دومته مرگه.»

موکأشفه 3:12

هرکس کی پیروز ببون، می خدای معبد مئن اونه سیتین کؤنم و د هرگیز اؤره أجی نشنه و مو می خدای نؤم و می خدای شهر نؤمه اون سر نیویسنم، یعنی تازه اورشلیم، که آسمؤن أجی، می خدای طرف أجی، هنه و می تازه نؤمم اون سه نیویسنم.

موکأشفه 3:13

او کی گوش دأنه، بشتؤه کی خدای روح، کلیسائانه چی گونه.

موکأشفه 3:5

هرکس پیروز ببون، ایطؤچی سیفید رخت دوکؤنه و مو اون ایسمه هرگی حیات دفتر أجی پکأنوکؤنم، و می پئر و اون فریشته ئان ورجه اون نؤمه أبئنم.

موکأشفه 3:6

او کی گوش دأنه، بشتؤه کی خدا روح، کلیسائانه چی گونه.