موکأشفه 19:18 - کتاب مقدس به زبان گیلکی - گویش شرقی

¹⁸ تا پادشائان و فرمؤنده ئان و زوردار آدمؤن گوشته بوخؤرین و اوشؤن أسپؤن و سوارکارؤن گوشته، و تمؤم آدمؤن، کوجدنه تا پیلدنه، نؤکر و آزاد گوشته بوخؤرین.»

Gilaki New Testament

¹⁸ بأیید و پأدیشأیأن و فرمأنده‌یأن و پورزورأنٚ جأن گوشتٚ جَا بوخورید؛ اَسبأن و اوشأن سوأرأن گوشتٚ جَا، و هرتأ اینسأنٚ گوشتٚ جَا، چی پیله‌دأنه چی کوجه‌دأنه، چی غولأم چی آزأد.»

کتاب مقدس به زبان گیلکی - گویش رشت و غرب گیلان

¹⁸ تا پادشاهان و فرماندئان و زوردار آدمانِ گوشتَ بُخوريد، و اوشانِ اسبان و سوار کارانِ گوشتَ، و تمانِ آدمان، کوجدانه تا پیله دانه، نوکر و آزاده گوشتَ بخورید.»

موکأشفه 19:18 ပူးပေါင်းရင်းမြစ်များ

متّی 24:28

هر جا لاشه بنای، لاشخورون اوره جومَه بَنن.

لوقا 17:37

شاگردون بپورسه ئن: «کورِه، ای خُداوند؟» جواب بَدَه: «هر‌جا که لاشه‌ ای بَنای، لاشخورون اوره جومَه بنَن!»

موکأشفه 11:18

و میلّتؤن برزخأبؤن، ولی تی غضب برسئه، بمرده ئان داوری روز برسئه، و او وقت برسئه کی تی خادیمؤن، پیغؤمبرؤن، مقدسین و اوشؤنیِ کی تی ایسم حرمته دأنن، پیلدنه تا کوجدنهَ پاداش هدی، و نابودأکونی اوشؤنیِ کی زمینه نابودأگودن.»

موکأشفه 13:16

هیطؤری همه کسه، کوشتأی تا پیلّه، دارا و ندار، و نؤکر و آزاده وأدأشت تا خوشؤن راست دست یا خوشؤن پیشؤنی سر نشؤن بنئن.

موکأشفه 17:16

و او ده ته شاخ و او وحشی جؤنور کی بدی، فاحیشه أجی بیزارأبنن. اوشؤن او فاحیشهَ تنها نئنن و اونه لوخت و سوخت ویلأکؤنن. اون تن گوشته خؤنن و اونه آتش مئن سوجؤنئنن.

موکأشفه 19:5

و یکته صدا تخت أجی بمأ کی گوت: «أمئه خدا ستایش بوکونین، أی تمؤم اون خادیمؤن، أی شمه که اون أجی ترسنین کوشتأی تا پیلدنه!»

موکأشفه 6:15

بأزون زمین پادشائان و پیله کسؤن، و فرمؤندارؤن و پولدارؤن و زوردارؤن، و هرته نؤکر و آزاده، خوشؤنه غارؤن مئن و کوکلات صخره ئان مئن جیگه بدأن.