موکأشفه 11:19 - کتاب مقدس به زبان گیلکی - گویش شرقی

¹⁹ بأزین خدای معبد، آسمؤن مئن بازأبؤ و خدا عهد صندوق، اون معبد مئن آشکارأبؤ، و ناخبر آسمؤن برق و آسمؤنگؤر و پیله دوخؤنکه ئان و زلزله و توند تگرگ بو که أمأدبو.

Gilaki New Testament

¹⁹ او وخت معبد، آسمأنٚ میأن وأزَ بوسته و او صوندوقی کی خودا عهد‌نأمه اونی میأن نٚهأ بو آشیکأرَ بوسته. بأزون گؤرخأنه رأ دکفته و آسمأن نأرِه بٚزِه و تگرگ و زیمین لرزه ایتفأق دکفته.

کتاب مقدس به زبان گیلکی - گویش رشت و غرب گیلان

¹⁹ بازین خُدا معبد، آسمانِ درون وازَه بوست؛ و خُدا عهد صوندوق اونِ معبد میان آشکارَ بوست؛ و ناخبر آسمانِ برق و گُرخانه و پیله اوخانان و زمین لرزه و تُندِ تگرگ بو کی اَمانده بو.

موکأشفه 11:19 ပူးပေါင်းရင်းမြစ်များ

موکأشفه 11:13

و هو ساعت مئن یکته پیله زلزله بمأ و یک دهم شهر فگرسه و هفت هیزار نفر ای زلزله مئن بکوشته بوبؤن و زینده بومؤنسه کسؤن زهله بترکسه و آسمؤن خدا جلال بدأن.

موکأشفه 11:15

بأزون هفتمی فریشته خوشه شیپوره فی دوده و چند ته پیله دوخؤنکه آسمؤن مئن دپیته کی گوتن: «دونیای پادشاهی، أمئه خداوند و اون مسیح شی بوبؤ. و او تا ابد و تا ابد سلطنت کؤنه.»

موکأشفه 12:1

و یکته پیله نشؤنه آسمؤن مئن آشکارأبؤ: یکته زنأی که أفتؤه دوده بو و مانگ اون په جیر دبو و یکته تاج، دوازده ته سیتاره أجی اون سر هنّأبو.

موکأشفه 16:1

بأزین معبد أجی یکته پیله دوخؤن بشتؤسم که او هفت ته فریشتهَ گوت: «بشین و خدای غضب هفت ته پیالهَ زمین سر فوکونین.»

موکأشفه 16:18

و آسمؤن برق و آسمؤنگؤر ویریسأ و پیله زلزله ایتفاق دکته؛ اوجور پیله زلزله که او زمت أجی که آدمی زمین سر ایسأبو تا ایسه، اون مورسؤن ایتفاق دنکته بو.

موکأشفه 16:21

و تگرگی که هرته حدودا پنجاه کیلؤ وزن دأشت، آسمؤن أجی بوارسه آدمؤن سر. آدمؤن، خدا تگرگ بلا وأسی لعنت بودن، چون ای بلا خیلی سخت بو.

موکأشفه 19:11

بأزین بدئم که آسمؤن وابؤ و بین، یکته سیفید أسپ! یگ نفر اون سر سواره که اون نؤم وفاداره و حقه. او عادیلؤنه داوری کؤنه و جنگنه.

موکأشفه 4:1

بأزون نیگا بودم و یکته باز در، آسمؤن مئن بدئم و او اولته صدا کی بشتؤسه بوم کی یکته شیپور صدای مورسؤن می همأ گب زی، هنده بوته: «ائره بئه جؤر، و مو او چیِ کی این پسی خأن ایتفاق دکئه، تأ نوشؤن دئنم.»

موکأشفه 4:5

تخت أجی برق و پیله دوخؤنکه و آسمؤنگؤر أمأ، و هفت ته بلأگیته مشعل، تخت جلؤ هنّأبو کی خدا هفت ته روح ایسن.

موکأشفه 7:15

هین وأسئه که: «ایشؤن خدا تخت جلؤ ایسأن، و اون معبد مئن شبنده روز اونه خدمت کؤنن، و او تخت نیشین خوشه حضور همرأ اوشؤنه سرپناه هدئنه.

موکأشفه 8:5

بأزون فریشته، بخور منقله ویته و قوربؤنگه آتش أجی پورأگوده و زمین سر تؤدأ. آسمؤنگؤر دوخؤنکه دبو و برقی که آسمؤن مئن زی، و زلزله بمأ.

موکأشفه 8:7

اولته فریشته خوشه شیپوره فی دوده و تگرگ و یکته آتش کی خون همأ قاطی بو، زمین سر بوارسه و یک سوم زمین و یک سوم دارؤن و تمؤم سبزه واشؤن بسوتن.