مَرقُس 8:6 - کتاب مقدس به زبان گیلکی - گویش شرقی

⁶ عیسی جَماعتِ دستور بده تا زمین سر بنیشَن. بازین هفت ته نؤنِ ویته و بعدِ اینکه شکر بوده، نونِ تیکه تیکه بوده، خوشِ شاگردؤن هَدَه، تا مَردم جلو بنئن و شاگردؤن اوشون جمعیت جلو بنئن.

کیتاب مقدّس به گیلکی (رشتی)

⁶ بأزین او مردومأنَ بفرمأسته زیمینٚ سر بینیشینید. او وخت هفت‌تأ نانَ اوسأده، خودایَ شوکر بوکوده، اوشأنَ تیکه تیکَه کوده و فأدَه خو شاگردأنَ کی بنید مردومٚ ورجأ، شاگردأنم هَه کارَ بوکودید.

Gilaki New Testament

⁶ پس مردومَ بٚفرمأسته کی زیمینٚ سٚر بینیشینٚد. بأزین هفتأ نأنَ فأگیفت و خودایَ شوکر بوکود و تیکه تیکه کوده، فأدأد خو شأگردأنَ. اوشأنم نأنأنَ فأدأده مردومَ.

کتاب مقدس به زبان گیلکی - گویش رشت و غرب گیلان

⁶ عیسی جماعتَ دستور بده تا زمین سر بینشینید. بازون هفت تا نانَ اوساد و بعد اَنکی شُکر بُکود، اوشانَ پلکَ کود، و خو شاگردانَ فَدَه تا خلق جُلُو بَنید؛ و شاگردانم اوشانَ جمعیت جُلُو بنَئید.

مَرقُس 8:6 ပူးပေါင်းရင်းမြစ်များ

متّی 26:26

هیطو که خورده دبُون، عیسی نونِ ویته و شکرگزاری بوده پس تیکه بوده و شاگردؤن هَدأ و بفرماسّه: «هگیرین، بوخورین؛ ایی می تنِ!»

مَرقُس 8:20

« او هفت ته نؤنِ، چار هیزارنفرِ به، چَندته زیبیل پورا گوده خورده نؤن أجی، جومه گودین؟» اوشون بوتَن: «هفت ته زیبیل.»

مَرقُس 8:5

عیسی بپورسه: «چَند ته نون دَئنین؟» اوشون بوتَن: «هفت ته.»

مَرقُس 8:7

اوشون چَنته کوشتای ماهی هم داشتن عیسی اوشونِ برکت بدا و بوته تا ماهیون هم مَردم جلو بنَئن.

لوقا 12:37

خوشا به حال هو خدمتکارونی که وختی اوشون ارباب وگردنه، اوشونه بیدار بَینه. راست راستِ، شمره گونَم، خودش خو رخت خدمت دوکوئنه؛ اوشونه سفره سر نیشؤنبِئنه و هنه ایشونه خدمت کوئنه.

لوقا 24:30

وختی ایشونه اَمره سفره سر نیشته بو، نؤنِ ویته و شکر بوده، تیکه بوده و ایشونه هَدَه.

یوحنا 2:5

اونه مَئر خدمتکارونِ بوته: «هر چی شمره گونه، بکونین.»

یوحنا 6:23

هو وخت چندته ده نو تيِبریه جی بومَئن نزدیک او جایی که جمعیت، خداوند شکر بوده پس، نون بخوردبون.

رومیأن 14:6

او که یکته خاصِ روج احترومَ دانه، خُداونده احتروم ئبه ای کارَ کونه. او کی خُونه، خُداوند احتروم واسی خُونه، چونکی خُدا شُکر کونه. ولی اونیئم کی نخُونه، اونم خُداوند احتروم ئبه ای کارَ کونه و خُدا شُکر کونه.

کولسیان 3:17

و هرکار کی کؤنین، گب زئن مئن یا کردار مئن، همهَ خداوند عیسی نؤم همرأ أنجؤم بدین، و بواسیطه او خدای پئره شکر بوکونین.