مَرقُس 7:36 - کتاب مقدس به زبان گیلکی - گویش شرقی

³⁶ عیسی اوشونِ قدغن بوده که ایی اتفاق هیشکسِ به نوگُئن. ولی هر چی بیشتر اوشون قدغن گود، بیشتر ایی اتفاقَ جی گب زِئن.

کیتاب مقدّس به گیلکی (رشتی)

³⁶ ولی عیسی اوشأنَ قدٚغن بوکوده کی اَ موضوع‌یَ هیکسَ نیگید. ولی هر چی ویشتر اوشأنَ قدغن کودی، ویشتر اونَ پخشَ کودیدی.

Gilaki New Testament

³⁶ عیسا مردومَ بٚفرمأسته کی هیکسٚ رِه هیچی نٚگد، ولی هر چی ویشتر اوشأنَ تأکید کودی، ویشتر خٚوٚرَ پخشٚ کودید.

کتاب مقدس به زبان گیلکی - گویش رشت و غرب گیلان

³⁶ عیسی اوشانَ قدغن بُکود کی اَ جریانَ هیکّس ره نگد. ولی هر چی ویشتر اوشانَ قدغن کودی، ویشتر اَ جریان جا گب زئیدی.

مَرقُس 7:36 ပူးပေါင်းရင်းမြစ်များ

متّی 8:4

بازین عیسی اونه بفرماسته: «واخوب ببو که، ایی قضیه هیشکسِ به نوگوی، اما بشو تَه کاهین نیشؤن بدی و پیشکشی که موسی بوته، تقدیم بکون تا اوشونه بِه گوائی ببی.»

مَرقُس 3:12

عیسی ایشونِ دستور بدَه، تا هیچ کس نوگوئن که او کی ایسه.

مَرقُس 5:43

عیسی اوشونِ سخت قدغن بوده که نوگذارَن هیشکس ایی اتفاقَ جی واخُوبَ بی، و بفرماسّه یه چی او لاکؤکه هدان تا بُخوری.

مَرقُس 7:35

هو دَم او مَرداک گوشؤنِ بازَ بو و اونه جوتکی خوبَ بو و بتونسته راحت گب بَزَنی.

مَرقُس 7:37

مَردم که خیلی ماتَ بوبوئن گوتَن: «هر کاری که او بوده، خُوروم ایسّه؛ او حتی کاری کوئنه کرون ایشتوئنن و لالون گب زئنن.»

مَرقُس 8:26

عیسی، اونه خونه سرا دا و بفرماسّه: « حتی او دهات میئن هم نوشو.»

مَرقُس 9:9

زمونی که کوهَ جی جیر أمَئدبؤن، عیسی ایشونِ دستور بَدَه که اوچیزی که بدِئن هیشکسِ به تعریف نکونن تا او زمؤنی که انسون ریکه مُرده أنَ جی زنده ببی.