مَرقُس 2:26 - کتاب مقدس به زبان گیلکی - گویش شرقی

²⁶ چطو او ابیّاتار پیله کاهین زمونه میئن، خُدا خونه دیرون بوشو و مقدس نونِ بُخورده و خوشِ یارؤن هم هَدَه؟ هرچَند که فقط کاهینون تینسَن اونه بوخورَن؟»

کیتاب مقدّس به گیلکی (رشتی)

²⁶ اون، وختی ابیّاتار پیله کاهن بو، بوشو خودا خانه دورون و نانی‌یَ کی تقدیس بوبوسته‌بو بوخورده و خو یارأنم فأدَه، اگه چی اونٚ خوردن فقط کاهنأنٚ رِه جایز بو.»

Gilaki New Testament

²⁶ او وخت کی اَبیّاتار، پیله کأهین بو، بؤشؤ معبدٚ میأن و نأنٚ حوضورٚ خوردنٚ اَمرأ دینی حوکمأنَ لقد دٚمٚج بوکوده، چونکی فقد کأهینأن ایجأزه دأشتیدی کی او نأنَ بوخورٚد. اون جٚه او نأن خو سروأزأنٚم فأدأ.»

کتاب مقدس به زبان گیلکی - گویش رشت و غرب گیلان

²⁶ چُطو اون اَبیّاتار پیله کاهن زمات درون، خُدا خانه بدرون بُشو و مُقدّسِ نانَ بُخورد و خو یارانم فَدَه؟ هر چن کی اونِ خوردن فقط کاهنان ره روایه؟»

مَرقُس 2:26 ပူးပေါင်းရင်းမြစ်များ

متّی 12:4

چوطو خدا خونه میئن بوشؤ و خودش و اونه یارؤن مقدس نونِ بوخُوردَن که اونه خوردن داوود بِه و اونه یارؤنِ بِه روا نبو و فقط کاهینؤن اجازه داشتَن بوخورَن.

مَرقُس 2:25

عیسی جواب بَدا: «مگه تا الؤن تورات میئن نوخوندین که داوود پادشاه چه بوده اوزمونی که خودوش و اونه یاروُن محتاج و وَشته بن؟