مَرقُس 2:17 - کتاب مقدس به زبان گیلکی - گویش شرقی

¹⁷ عیسی وختی ایی گب ایشتونه اوشونِ بوته: «ناخوشؤن ایسّن که طبیب احتیاج دئنن، نه سالمؤن. مو صالحؤن وسه نومَئم، بَلکه بومَئم تا گُناهکارؤن دعوت بکونم.»

کیتاب مقدّس به گیلکی (رشتی)

¹⁷ عیسی وختی اَ گبأنَ بیشتأوسته، اوشأنَ بوگفته: «مریضٚ آدمأن طبیب خوأییدی، نه ساق و سالمٚ آدمأن. من نموم کی دوروستکارٚ آدمأنَ توبه کودنٚ رِه دعوت بوکونم بلکی اوشأنی کی گوناهکاریدی.»

Gilaki New Testament

¹⁷ وختی عیسا اوشأنی گبأنَ بشتأوسته، اَشأنَ بٚفرمأسته: «نأخوش آدمأن، دوکتور ایحتیأج دأریدی، نه اوشأنی کی سألیمیدی! من بأمؤم کی گونأکأرأنٚ جَا دعوت بوکونم کی توبه بوکونٚد، نه اوشأنی کی خوشأنَ عأدیل دأنٚده!»

کتاب مقدس به زبان گیلکی - گویش رشت و غرب گیلان

¹⁷ عیسی وقتی اَ گب بیشتاوست اَشان بگفت: «ناخوشان ایسید کی مختاج طبیبید، نه جان ساقان. من ناموم تا صالحانَ دعوت بُکونم بلکی باموم گُناکارانَ دعوت بُکونم.»

مَرقُس 2:17 ပူးပေါင်းရင်းမြစ်များ

متّی 18:10

«واخُوب ببین که هیتّه از ایی کوشتأکؤنِ پَستَ نکونین، چون شمره گونم که ایشؤن فرشته​أن آسمون میئن همیشه می پئره دیمِ که آسمونِ مئن ایسأ، اینَن.

لوقا 15:10

شمره گونَم، هینه واسه، یکته گنُاهکار توبه کؤئنه، خُدا فرشته أن ورجه جشن و خوشی بپا بنه.»

لوقا 15:29

امّا او خوش پِئر جواب میئن بُوته: ” بَین ایی همه سال مو تَه خدمت بودَم و هَرگی از تی فرمون سرپیچی نودَم. ایی حالِ أمره هیچوخت حتی یکته بوزغاله‌ هم مَه هَندای تا می ریفقؤنِ أمره جشن بگیرم.

لوقا 15:7

شُمَره گونَم که اینه واسه آسمؤن میئن جشن و خوشی پیلّه تری که یکته گنُاهکار توبه کوئنه، بپا بنه تا او نود ونه ته صالح به که نیازی به توبه گودَن ندئنَن.

لوقا 16:15

عیسی اوشونه بوته: «شمه او کَسونی ایسیّن که خودتونِ مَردم به صالح نیشون دئنین، امّا خُدا شیمه دیلؤنای خبر دَئنه. چونکه اوچیزی که مَردم اونه خیلی ارزش دِئنَن، خُدا دید میئن ناپسند ایسّه!

لوقا 19:10

چونکه انسون ریکه بومه تا ابیرَ بؤ که واموجی و نجات بَدای.»

یوحنا 9:34

ایشون اونه جواب بدئن: «تو سرتاپا گوناه میئن بدونیا بومای. الؤن اَمرهم درس دأدری؟» پس اونه بیرون تؤدَن.

یوحنا 9:40

بعضی از فریسی أن که اونه ورجه ایسابون هیطوکه اینه بشتؤسَن، بپورسئن: اَمَرَم کوریم؟»

اعمالٚ رسولأن 20:21

هم یهودی أن و هم یونانی أنم شهادت بدم که باء توبه بکونن و خدا سو وگردن و اَمه خداوند عیسی مسیح ایمؤن بأرن.

اعمالٚ رسولأن 26:20

بلکه اوّل اوشونی که دمشق دیرون ایسابوئن، بازین اورشلیم و تمؤم یهود ولایت، و غیر یهودی أن میئنم ایی پیغؤم اعلام بودَم که بأء توبه بکونن و خدا سو وگردن و خوشونه کارون أمره نشون بدن که توبه بوئدن.

تیتوس 2:14

کی خوشه جؤنه أمئبه هدأ تا أمره هرته شرارت أجی رهایی بدئه و پاک مردومی خوشئبه چاکونه که هچی خودش شی ببون و خؤرم کارؤن ئبه غیرت بدأرن.