مَرقُس 12:7 - کتاب مقدس به زبان گیلکی - گویش شرقی

⁷ امّا باغبونون همدیگر بوتَن ”ایی وارثِ بأین اونه بکوشیم تا ارث اَمیشی ببی.“

کیتاب مقدّس به گیلکی (رشتی)

⁷ ولی باغبانأن کس‌کسَ بوگفتید: «اَن، باغٚ وارثه! بأیید اونَ بوکوشیم، اَطویی اونٚ ارثَ صاحاب بیم.»

Gilaki New Testament

⁷ ولی بأغبأنأن کس‌کسَ بوگفتٚده: "اون وأرثه؛ بأئید اونَ بوکوشیم کی بأغ اَمی شین بٚبه."

کتاب مقدس به زبان گیلکی - گویش رشت و غرب گیلان

⁷ ولی باغبانان همدیگر بگفتید: ”اَن وارثه بائید اونَ بُکوشیم تا ارث اَمی شین ببه.“

مَرقُس 12:7 ပူးပေါင်းရင်းမြစ်များ

متّی 2:16

وختی هیرودیس بده که، ستاره​شنأسؤن اونه گول بزِئن، خیلی اینه غَیضَته و سرا دَه، عین او زمؤنی که ستاره​شنأسؤنای بپورس دپورس بوده بو، بیت​لحم میئن و اونه دوروبَر همته ریکاکونی که، دوسال و کمتر داشتن، بکوشته.

متّی 21:34

وختی بار چِئن زمؤن برسه، خوشِ نوکرؤنِ، باغبونونِ ورجه سرا دَه تا اونه سهمِ تحویل بگیرن.

مَرقُس 12:12

اوشون خواسّتن عیسی بگیرَن، چونکه بفهمسبون که ایی حیکایت اوشون باره بوته، امّا جَمعیت جی واهیمه داشتن پَس عیسی ویلَه گودَن و بوشؤئن.

مَرقُس 12:6

صاحب باغ فقط یه نفر دیگه داشت که سرا دی و او، اینه عزیز ریکه بو. پَس آخر سر اونه سرا دا و خوشِ امره بوته ”می ریکه احترؤم نِئنَن.“

مَرقُس 12:8

پَس اونه بِیتن، بکوشتَن و انگور باغِ مئنای بیرون تُؤدَن.

اعمالٚ رسولأن 2:23

هی عیسی، طبق خدا اراده و نقشه، شیمه دست تسلیم بوبؤ و شمه شریر آدمون دستون أمره، اونه صلیب سر هکشِیئن و بکوشتین.

اعمالٚ رسولأن 5:28

«أمه شمره سخت قدغن بودبیم که دِه ایی ایسم أمره مردومِ تعلیم ندَین، با ایی حال شمه اورشلیمِ شهرِ شیمه تعلیم جی پورا گودین و خوائنین ایی مرداکِ خونِ تؤدین اَمه گردن.»

اعمالٚ رسولأن 7:52

كویکته پیغمبرِ ایسه که شیمه پئرؤنِ دستای آزار نده بی؟ اوشؤن حتی او پیغمبرؤنی که پیشگویی بودِه بوئن او صالح هنه، بکوشتن؛ و الؤن شمه او صالح تسلیمَ گودین و اونه قاتیل بوبوین،

عبرأنیأن 1:2

اما ایی آخری روزؤن بواسطه خو ریکه أمه اَمره گب بزه، ریکاکی که اونه یکته وارثِ مورسون همه چی مئن وارث بوده و بواسطه او جهانه خلق بُوده،