متّی 8:3 - کتاب مقدس به زبان گیلکی - گویش شرقی

³ عیسی خوشِ دستِ درازه گوده، اونه سر، دست بکشه و بوته: «خوانم، شفا بگیر!» هو دم اونه جزام پَکه بو.

کیتاب مقدّس به گیلکی (رشتی)

³ عیسی خو دسَ درازَ کوده، اونَ لمس بوکوده و بوگفته: «خوأیم، پاکَ بو!» هو لحظه اونٚ جذام پاکَ بوسته.

Gilaki New Testament

³ عیسا خو دٚسٚ رأستَ گیفتٚه اونی سٚر بٚنأ و بٚفرمأسته: «پس چی کی خأیم؛ شفأ بیگیر!» هو وخت، اونی جوذأم جٚه بین بوشؤ!

کتاب مقدس به زبان گیلکی - گویش رشت و غرب گیلان

³ عیسی خو دَسَ درازَ کود، اونَ سر دَس فاکشه و بگفت: «خوائم؛ شفا بیگیر!» هودَم اونِ خوره پاکا بو.

متّی 8:3 ပူးပေါင်းရင်းမြစ်များ

متّی 12:13

بازین او مرداکه بوته: «تی دستِ درازَ کون!» او خوشِ دستِ درازَ گوده و اونه دست، اوته دستِ مورسون سالمَ بوُ.

مَرقُس 1:41

عیسی دلسوزی أمره خوشِ دَستِ درازَ گوده، او مَرداک سر دست بکشه و بوته: «خوانم، شفا بگیر!»

مَرقُس 4:39

عیسی ویرسَه و باد تَشَر بزِه و دریا بفرماسّه: «تام بزَن! آرؤم بو!» هووقت باد بنیشته و دریا کامیلا آرومَ بؤ.

مَرقُس 5:41

عیسی لاکو دَست بیته و اونه بوته: «تالیتا،کوم!» یعنی: « ای کوچِ لاکوی، تَه گونَم ویریس!»

مَرقُس 7:34

هووخت عیسی آسمؤن نیگاه گوده، یکته پیله آه بکَشِه و او مَرداکِ بوته: «‌اِفَّاتَاح!» یعنی «بازَ بو!»

مَرقُس 9:25

وختی عیسی بدِه که یسری أن دؤسَدرَن و اونه ورجه أمئدرن، پلید روحِ تَشَر بزِه، بوته: «ای کر و لالِ روح، تَه دستور دِئنم اونای بیرون بای و دِه هَرگی اونه دیرون نشی!»

لوقا 4:27

اِلیشَع پیغمبر زمون هم اسراییل میئن خیلی أن جزام داشتن، ولی هیتّه از خوشونِ جزامای پاکا نُبوئن بغیر از نَعْمانِ سُریانی.»

لوقا 5:13

عیسی خوشِ دَس درازا گوده و اونه سرِ بکشه و بوته: «خوانم؛ شفا بگیر!» هو دَم، جزام او مَرداک جونای بوشؤ.

لوقا 7:14

بازین پیش بُشو و تابوتِ سر، دست بکشه. اوشونی که اونه بردبون، بَیسئن. عیسی بوته: «ای جوؤن، تَه گونَم، ویریس!»

یوحنا 11:43

عیسی اینه بوته و بازین پیله صدا اَمره دوخُونده: «ایلعازَر، بیرون بیه!»

یوحنا 15:24

اگه اوشونه میئن کارؤنی نوده بوم که بغیر از مو هیشکس نؤده بو، گوناه نداشتن؛ ولی الؤن با اینکه او کارؤن بدِئن، هم می جَی، هم می پئر جَی نفرت دئنَن.

یوحنا 5:21

چون هوطو که آسمونی پئر، مرده​أنِ زنده کوئنه و اوشونه زندگی هدِئنه، هوطورم ریکه هر کیِ بخوای، زندگی هدِئنه.