متّی 6:23 - کتاب مقدس به زبان گیلکی - گویش شرقی

²³ امّا اگه تی چیشم فاسد ببی، تی تن، ظلماتَ جی پورا بنه. پس اگه روشنایی که تی میئن ایسَه، ظلمات ببی، چي پیله ظلماتي بنه!

کیتاب مقدّس به گیلکی (رشتی)

²³ ولی اگه تی چوم سالم نبه، تومامٚ تی وجودَ تاریکی گیره. هَنٚ وأسی اگه نوری کی تی وجودٚ دورون نهَه، تاریک ببه، وأستی بدأنید کی چی پیله‌دأنه تاریکی‌یی به وجود اَیه.

Gilaki New Testament

²³ ولی اگه تی چوم نأخوش بٚبه، تومأمٚ تی وجود تأریکی دورون غولطه خوره. پس اگه گومأن کونی کی او نورٚ سو، تی دورون نٚهأ، ولی اگه اون تأریکی بٚبه، چی جولفٚ تأریکی‌یی به!

کتاب مقدس به زبان گیلکی - گویش رشت و غرب گیلان

²³ ولی اَگه تی چوم فاسد ببه، تی تن ظولمتِ جا پُرَ بِه. پس اَگه روشنائی کی تی درونِ ظولمت ببه، چی پیله ظولمتی خوائه بوستن!»

متّی 6:23 ပူးပေါင်းရင်းမြစ်များ

متّی 20:15

یعنی حق ندئنَم می مالِ اَمره اوچیزی که خوائنم بکونم؟ چیشم ندَئنی می دست و دیل بازیِ بَینی؟

متّی 6:22

«چیشم، تن چراغِ. اگه تی چیشم سالم ببی، تمؤمِ تی تن، روشنایی جَی پورا بنه.

مَرقُس 7:22

طمع، شرورکارون، حیله، هرزگی، حسادت، ایفترا، غرور و نادونی بیرون أنه.

لوقا 11:34

تی چیشم، تی بدنِ چراغِ. وختی تی چیشم سالم ببی، تی تمام بدن روشنه بنه. امّا وختی تی چیشم فاسیدَ بی، تمام تی بدن ظلماتای پورا بنه.

لوقا 8:10

عیسی بوته: خُدا ایی قدرت شمره بدا که پادشایی رازؤنِ معنیِ بفهمین، اما بقیه مردومِ به حیکایت مورسؤن گب زِئنم، تا: «”نیگاه بَکُونن، امّا نَینَن؛ بشتؤئن، امّا نفهمَن.“

رومیأن 1:22

هرچن کی ادعای دونایی داشتن، نادون بوبون

اوّل قرنتیان 2:14

آدمی که هوا و هوس دومبال دبی، او چیزونیه که به خدا روح مربوط ببی قبول نوکوئنه، چونکه اونه نظرِ میئن نادونی ایسّه، و منِئه اونِ بفهمه، چره که فقط خدا روح هما شانه اون درستیه تشخیص دان.

افسسیان 4:18

اوشون عقل تاریکابو، و نادونی خؤنی که اوشون سنگدیلی نتیجه ایسه، خدا زیندگی جی دور دکته دأنن.

افسسیان 5:8

چونکی شمه یک زمونی تاریکی مئن ایسأبین، ولی ایسه خداوند مئن نور ایسین. پس نور زاکون مورسون کردکار بدأرین.

اوّل یوحنا 2:11

ولی هرکی که خو برارَ جی نفرت دَئنه تاریکی میئن ایسَنه و تاریکی میئن قدم ویگینه، او نودوئنه کوره شنه چونکه تاریکی اونه چیشمونِ کورَ گوده.