متّی 5:7 - کتاب مقدس به زبان گیلکی - گویش شرقی

⁷ خوش​بحال اوشؤنی که رحم کوئنَن، چونکه اوشون بِه رحم بنه.

کیتاب مقدّس به گیلکی (رشتی)

⁷ خوشا بحالٚ اوشأنی کی رحم و مروت دأریدی، چونکی اوشأن خودا جأ رحم و مروت دینیدی.

Gilaki New Testament

⁷ «خوشأ بحألٚ اوشأنی کی دیگرأنٚ رِه رحم کونٚده، چون اوشأنٚ رِه رحم بِه.»

کتاب مقدس به زبان گیلکی - گویش رشت و غرب گیلان

⁷ خوشا به حالِ اوشانی کی رحم کونیدی، چونکی اوشانِ ره رحم خوائید کودن.

متّی 5:7 ပူးပေါင်းရင်းမြစ်များ

مَرقُس 11:25

«پَس هر وخت که دوعا کأدرین، اگه یه نفر جی یه چی شیمه دیل میئن دَئنین، اونه بَبَخشین تا شیمه پئر هم که آسمؤن میئن ایسَه، شیمه تقصیرات بَبَخشی.

لوقا 6:35

امّا شمه، شیمه دشمنؤنِ به محبت بکُونین و اوشونِ به خوبی بکُونین، و بدون تاوان هَیتن، قرض هَدین، چونکه شیمه پاداش پیله ایسّه، و خُدای متعال زاکؤن بنین، چونکه خدا، ناشکرون و بدکارون أمره مهربؤن ایسّه.

رومیأن 11:30

دُرست هوطو کی شمه یک زمون نسبت به خُدا نافرمونی گودین، ولی ایسه یهودیئن نافرمونی واسی مورد رحمت خدا قرار بیتین،

اوّل قرنتیان 7:25

ایسه باکره أن باره، خداوند جی حوکمی ندَئنم؛ ولی او کس جایگاه مئن که بواسیطه خداوند رحمت مورد اعتماده، می گبه زئنم.

دوم قرنتیان 4:1

پس چون او رحمت واسی کی امره هدا بوبو ایجور خدمت کادریم، ناامیدانبنیم.

افسسیان 4:32

کس کسون همرأ مهربؤن و دیلسوج ببین و هوطو کی خدا شمره مسیح مئن ببخشئه، شمرأم کس کسه ببخشین.

کولسیان 3:12

پس خدا دؤجئه آدمؤن مورسؤن کی مقدس و عزیزن، دیلسوجی، مهربؤنی، فروتنی، ملایمت و صبر رخته دوکونین.

اوّل تیموتائوس 1:13

با ای کی پیشتر کفر گوتم، عذاب دأم و تؤهین گودم. ولی مأ رحم بوبؤ؛ چونکی بی‌ایمؤنی مئن نادؤنی گودم.

اوّل تیموتائوس 1:16

أما این وأسی مأ رحم بوبؤ تا عیسی مسیح خوشه کامیل صبره نسبت به مو، کی گوناهکارؤن مئن پیله‌ترین بوم، نشؤن بدئه؛ تا یکته نمونه ببوم همه ته اوشؤن ئبه که أبدی زیندگی وأسی اونه ایمؤن أبئنن.

عبرأنیأن 4:16

پس ایطمینؤن همره، فیض تخته نزدیکَ بیم تا امره رحم ببی و فیضه بدست بأریم که احتیاج موقع امره یاری بکونی.

عبرأنیأن 6:10

چونکه خدا بی انصاف نیه که شیمه کار و محبتیِ که اون ایسم واسه مقدسین خدمت مئن نشون بداین یاداکونی هوطو که هندئرأم کأدرین.

یعقوب 2:13

چونکه داوری اونه به که رحم نوده، بی رحم بنه. رحم، داوری سر حریفَ بنه!

یعقوب 3:17

ولی او حکمتی که آسمون جی ایسّه، اول پاک ایسّه، بازین صلح آمیز و آروم و نصیحت گوشکونه، و خوروم ثمرات و رحمت جی پوره، و فرق نائن و دورویی جی دور ایسه!

۱پطرس 2:10

قبل ای مردومی نبین، ولی ایسه خدای مردومین؛ یک زمؤن خدا رحمت أجی بی نصیب بین، أما ألؤن خدا رحمته هیتین.