متّی 4:21 - کتاب مقدس به زبان گیلکی - گویش شرقی

²¹ هیطو که خوشِ راه شوئدبو، دوته برأر دیگرم یعنی یعقوب، زِبِدی ریکای و اونه برأر یوحنا بدِه که، خوشؤن پئر زبدی اَمره نوء میئن ایسأ بُن و خوشؤنِ سالی أنِ حاضیرَ کادبُون. اوشؤنم دوخنده؛

کیتاب مقدّس به گیلکی (رشتی)

²¹ عیسی ایپچه کی جُلُوتر بوشو، دوتأ برأرٚ دیگرَ بیده، یعقوب و یوحنا کی خوشأنٚ پئر زِبدی اَمرأ لوتکا میأنی ایسَه‌بید و خوشأنٚ تورأنَ آمادَه کودَن دیبید. عیسی اوشأنَ دوخوأده خو ورجأ.

Gilaki New Testament

²¹ ایپچه پیشتر جٚه اویَه، دو تأ دِه برأر ینی یعقوب و یوحنایَ بیدِه کی خوشأنی پئر زِبِدی اَمرأ لوتکأ دورون نیشته بود و خوشأنٚ دأمأنَ چأکودأندوبود. اون اَشأنٚم دعوت بوکوده کی اونی دونبأل بٚشٚد.

کتاب مقدس به زبان گیلکی - گویش رشت و غرب گیلان

²¹ عیسی هُطو کی خو رائَ شئون دوبو، دو تا دِه برار بیده، یعنی یعقوب، زِبِدی پسر و اونِ برار یوحنا کی خوشانِ پِئر زِبِدی مرا لوتکا درون ایسابید و خوشانِ ماشکَ حاضیرَ کودن دیبید. اوشانَم دوخواد؛

متّی 4:21 ပူးပေါင်းရင်းမြစ်များ

متّی 10:2

ایی ایسّه او دوازده​ته رسول ایسم: اوّل شمعون نامدار به پطرس و اونه برأر آندریاس؛ یعقوب زبدی ریکه و اونه برأر یوحنا؛

متّی 17:1

شیش روز بعد، عیسی، پطرس و یعقوب و اونه برأر یوحنا ویته و اوشونِ خوشِ امره یکته کوه تیک سر ببورده تا تنها بوبوئن.

متّی 26:37

بازین پطرس و زبدی دوته ریکاکه خوشِ اَمره ببرده، در حالی که غوصه دار و ناراحت بو

متّی 4:20

اوشؤن درجا خوشؤنِ سالیِ أنِ ویلَه گودَن و اونه دومبالسر تاتأدی راه دکتن.

متّی 4:22

ایشونَم درجا نوء و خوشؤن پئره ویله گودَن و اونه دومبالسر بوشوُن.

مَرقُس 3:17

یعقوب زِبِدی ریکه و یوحنا یعقوب برار(که اوشون ’بوآنِرجس‘، اسم بنه یعنی ’آسمون گُرگُر ریکاکون‘ )؛

مَرقُس 5:37

و نوگذاشته جز پِطرُس و یعقوب و یعقوب برار یوحنا، هیشکس دِ اونه دومبال بأی.

یوحنا 21:2

شمعونِ پطرس، تومای نامدار به دوقلو، نتنائیل که قانای جلیل شی بو، زبدی ریکه أن، و دوته از شاگردؤن دیگه همدیگر أمره ایسابُوئن.

اعمالٚ رسولأن 12:2

هیرودیس دستور بده، یعقوب، یوحنا برأرِ شمشیر أمره بکوشتَن.