متّی 13:2 - کتاب مقدس به زبان گیلکی - گویش شرقی

² امّا اونقده پیله جیمعیت اونه دورا گودن که یکته نوء مِیئن بوشو و بنیشته. مردوم دریا کنار ایسأ بُن.

کیتاب مقدّس به گیلکی (رشتی)

² ولی ایتأ عالمه مردومأن اونٚ دور جمَ بوستیدی جوری کی مجبور بوبوسته قایقَ سوارَ به و اونٚ دورون بینیشینه، تومامٚ مردومم ساحلٚ کناره بِیسَه‌ییدی.

Gilaki New Testament

² دفأتن ایتأ پیله گورو اونی دؤر جمَ بوستٚد. اونم بینیشته لوتکأ دورون، و هوطویی کی همٚتأن سأحیلٚ کنأره بٚپأ ایسأ بود، اوشأنٚ آمؤختٚنَ سٚربیگیفت.

کتاب مقدس به زبان گیلکی - گویش رشت و غرب گیلان

² ولی اَنقد پیله جماعت اونَ دوره کودِبید کی ایتا لوتکایَ سوارَ بوست و بینیشت. مردوم دریا کنار ایسا بید.

متّی 13:2 ပူးပေါင်းရင်းမြစ်များ

متّی 15:30

جمعيتِ زیادی اونه ورجه بومَئن. اوشؤن خوشؤنِ اَمره شلؤن و کورؤن و فلجؤن و لالؤن و ناخوشؤنِ دیگه بأردن و عیسی پِا ورجه بنَئن و اونم ایشونه شفا بدا.

متّی 4:25

پس یکته پیله جماعت جلیل و دکاپولیساجی، اورشلیم و یهودیّه و اُردن اوطرف، اونه دومبالسر راه دکتن.

مَرقُس 4:1

یه بار دِه عیسی دریا کنار بینا به تعلیم دَئن بوده. یکته پیله جماعت اونه دورَ گوده بُن جوری که ناچار بوبؤ نوءِ که دریا میئن هنه بو سوارَ بو و اون سر بنیشته،تمام مردم دریا کنار خشکی سر ایسابون.

لوقا 5:3

پس عیسی یکته او نوئونِ که شعمون شی بو سوارَبؤ و اونای بخواسّه نوءِ، اَنی دریا کناراجی دورَ کونی. بازین خودش نوء میئن بنیشته و بنا بوده مَردم آموتن.