متّی 11:2 - کتاب مقدس به زبان گیلکی - گویش شرقی

² وختی یحیی زندون میئن، مسیح کارؤنِ باره بشتؤسه، خوشِ شاگردؤنِ اونه ورجه سرا دا.

کیتاب مقدّس به گیلکی (رشتی)

² وختی یحیی زندانٚ میأنی مسیحٚ کارأنٚ تعریفَ بیشنأوسته، خو شاگردأنَ اونٚ ورجأ اوسه کوده

Gilaki New Testament

² وختی یوحنا کی زندأنٚ دورون ایسأبو، مسیحٚ کأرأنٚ خٚوٚرٚ بشتأوست، خو شأگردأنَ، اونی ورجأ اوسه کوده کی اونی جَا وأوٚرسٚد:

کتاب مقدس به زبان گیلکی - گویش رشت و غرب گیلان

² وقتی یحیی خولتانک درون، مسیح کارانِ باره بیشتاوست، خوشاگردانَ اونِ ورجه روانه کود

متّی 11:2 ပူးပေါင်းရင်းမြစ်များ

متّی 1:17

پس تموم نسلؤن، ابراهیمَ جی تا داوود، سرجمع چهارده نسل و داوودَ جی تا زمؤنِ یهودی أنِ تبعید بابِل سو چهارده نسل، و تبعید زمؤنای تا مسیح، چهارده نسل بُوئن.

متّی 14:3

چونکه هیرودیس هیرودیا وَسه، که اونه برأر فیلیپسِ زن بو، یحیی بِیته بو و اونه دوَسّه بو و زندؤن مِیئن تؤدَه بو.

متّی 4:12

هیطو که عیسی بشتؤسه یحیی گرفتارَ بؤ، جلیل سو وگرسه.

متّی 9:14

بازین یحیی شاگردؤن، عیسی ورجه بومئن و بوُتن: «چرِء أمه و فریسی ان روزه گینیم، ولی تی شاگردؤن روزه نگینن؟»

مَرقُس 6:17

چونکه هیرودیس فرمون امره یحیی بیته بون و اونه دَوَسته بون و زندؤن میئن تَؤدَه بُن. هیرودیس ایی کارِ، هیرودیا واسه بوده بو. هیرودیا، فیلیپ زن بو، هیرودیس برار. که الؤن هیرودیس اونه خوشِ به زنی بیته بو.

لوقا 3:19

امّا چونکه هیرودیسِ حاکم، خوش برارزن هیرودیا و بقیه شرور کارونی واسه که بوده بو و یحیی اونه تشر بزه بو،

لوقا 9:7

و امّا همۀ ایی اتفاقؤن خبر، هیرودیسِ حاکم گوشِ برسِه. هیرودیس گیج و سرگردون بومُنسبو، چرِه که بعضی أن گوتَن عیسی هو تعمید دهنده یحیی ایسّه که مُرده أنَ جی ویریسَه.

یوحنا 4:1

وختی عیسی بفَهمسه که فریسی فرقه عالمون بشتؤسَن که او یحیی جی بیشتر دومباله رو دَئنه و اوشونه غسل تعمید دِئنه