متّی 1:18 - کتاب مقدس به زبان گیلکی - گویش شرقی

¹⁸ عیسی مسیح بدنیا اَمَئن ایطوری بوبؤ: وختیکه مریم، عیسی مئر، یوسف نامزد بو، پیشتر از اونکه همدیگرِ برسَن، معلوم بوبُو که مریم روح‌القدسَ جی شوکومدار ایسّه.

کیتاب مقدّس به گیلکی (رشتی)

¹⁸ عیسی مسیحٚ بدونیا اَمون اَطویی ایتفاق دکفته: عیسی مار «مریم» یوسفٚ نامزد بو ولی هنوز عروسی نوکوده‌بید کی معلوم بوبوسته، مریم روح‌القدسٚ جأ آبستنه.

Gilaki New Testament

¹⁸ عیسا بودونیأ اَمؤن اَطو ایتفأق دکفته، هو مسیحی کی وأستی بأمؤبی: مریم، عیسا مأر، یوسفٚ حلقه بینیشأنِی بو، ولی جٚه قبلٚ اَنکی عروسی بوکوند، معلوم بوبوسته کی روح‌القدسٚ جَا شکم اوسأده.

کتاب مقدس به زبان گیلکی - گویش رشت و غرب گیلان

¹⁸ عیسی مسیحِ زا روج اَطو بو: وقتی مریم عیسی مار، یوسفِ نامزد بو، پیش جه اونکی همدیگرِ مرا بیبید، معلوم ببوستِ کی مریم روح القدسِ جا شکم اوساده.

متّی 1:18 ပူးပေါင်းရင်းမြစ်များ

متّی 1:1

عیسی مسیح شجره‌نؤمه، داوود ریکه، ابراهیم ریکه:

متّی 12:46

هو موقع که عیسی مردومِ اَمره گب زئدبو، اونه مَئر و برأرون، بیرون ایسأ بُوئن و خواسَن اونه اَمره گب بزنن.

متّی 2:11

وختی خونه میئن بومَئن و زأک خو مئر أمره مریم بدِئن، خوشؤنِ دیمِ گَلِ سر بنئن و او زأک پرستش بودَن. بازین خوشؤن کوشتای صُندوقون واگودن و پیشکشونی زر و کُندر و مُرّ عطریجاتَ جی اونه هَدَئن.

لوقا 1:25

اِلیزابِت گوت: «خُداوند، می واسه ایطوری بوده. او مِه به لطف بوده و اوچیکه مَردم ورجه، مِه ننگ بو، می جَی ویته.»

لوقا 2:5

او اوره بُشو تا خوشِ نامزد مریم أمره که اونه چِئنه وخت بو، ایسم نویسی بکونَن.

عبرأنیأن 10:5

هین وأسی وقتی که مسیح دونیا بمأ بوته: «تو قوربونی و پیشکش نخأسی، بلکه یکته تن مئه فراهم بودی،

عبرأنیأن 7:26

چونکی راس راسه ای بجا بو که امه ای جور پیله کاهن بداریم، که مقدس، بی گوناه، بی عیب، گوناهکارون جی سیوا، و جلال بیته آسمؤنؤن جی جؤرتر ببی.