لوقا 8:32 - کتاب مقدس به زبان گیلکی - گویش شرقی

³² او نزدیکی، یکته پیله گله خوک ایسابون که یکته پوشته ور غذا خوردبون. دیوؤن عیساجی منّت بوُدَن ایجازه بدای خوکؤن میئن بوشوئن، و اونم اجازه بدا.

کیتاب مقدّس به گیلکی (رشتی)

³² ایتأ پیله گله خوک او دور و حوالی ایتأ تپه رو چرستَن‌دیبید. دیوأن عیسی جأ خوأهش بوکودید کی وئله خوکأنٚ دورون بیشید. عیسی‌یم وهشته.

Gilaki New Testament

³² از قضأ، هو دورٚوٚرأن ایتأ خوکٚ گلّه، تپّه جؤر چرستأندوبود. پٚلیدٚ روحأن عیسایَ ایلتیمأس بوکودٚد کی وئأله بٚشٚد خوکأنٚ دورونی. عیسایٚم وئأشته کی بٚشٚد.

کتاب مقدس به زبان گیلکی - گویش رشت و غرب گیلان

³² اُ طرفان، ایتا پیله گله خوک بید کی ایتا پوشته وَر غذا خوردن دیبید. دیوان عیسی جا منّت بُکودید وائاله کی خوکانِ درون بیشید، و اونم وائَشت.

لوقا 8:32 ပူးပေါင်းရင်းမြစ်များ

متّی 7:6

«اوچی مقدسِ، سگؤنِ هندین و شیمه مرواریدؤنِ خوکؤنِ ورجه تؤنداین، نبی که اوشونه دمجَن و وگردَن و شمره حمله بکونن.

لوقا 8:31

اوشون عیسی، منّت بودن و بخواسن دستور ندای که ایشون، جهنم چاه میئن بوشوئن.

لوقا 8:33

پَس، دیوؤن او مَرداکاجی بیرون بومئن و خوکؤن میئن بوشؤئن، و خوکؤن فوتولَ بوئن و پوشته جورای دریا مِیئن دکتن و دموردَن.

یوحنا 19:11

عیسی بوته: «اگه ایی قدرت خدا طرفَ جی تَه هده نوبوبی، تو هیچ قدرتی می سر نداشتی؛ هینه وَسه گوناه اونی که مه تی دست هَدَء، خیلی بیشترِ.»

اوّل یوحنا 4:4

ای زاکون، شمه، خدا جی ایسّین و اوشؤن سر حریف بوین، چون اونی که شیمه میئن ایسا، اونی جی که دنیا میئن ایسا پیله تره.

موکأشفه 20:7

وقتی که او هیزار سال تمنأبون، شیطؤن خوشه زیندؤن أجی آزادأبنه