لوقا 6:6 - کتاب مقدس به زبان گیلکی - گویش شرقی

⁶ یکته دیگه از مقدس شنبه أن، عبادتگاه میئن بومه و تعلیم دئنه شروع بوده. یکته مَرداک اوره ایسابو که اونه راست دَس خشکَ بوُ بو.

کیتاب مقدّس به گیلکی (رشتی)

⁶ ایتأ شَبّاتٚ روزٚ دیگر، عیسی بوشو کنیسه دورون و مردومأنَ تعلیم دَئن دوبو. هویه ایتأ مردای ایسَه‌بو کی اونٚ راستٚ دس خوشکَ بوسته‌بو.

Gilaki New Testament

⁶ ایتأ روج کی ایوأردِه شبّأت بو، عیسا بوشؤ کنیسه‌ و آمؤختٚنَ شورو بوکوده. هو وخت ایتأ مردأی اویَه ایسأبو کی اونی رأستٚ دٚس، چولأق بو.

کتاب مقدس به زبان گیلکی - گویش رشت و غرب گیلان

⁶ ایتا ده مُقدّسِ شنبه، عیسی عبادتگا بدرون بامو و مردومَ آموختن دوبو. ایتا مرداک اویا ایسابو کی اون راست دس لامَ بوسته بو.

لوقا 6:6 ပူးပေါင်းရင်းမြစ်များ

متّی 4:23

ایطو بوکه، عیسی سرتاسر جلیل گَرس و ایشونه عبادتگاه أنِ میئن آموتی و خدا پادشاهی خوروم خبرِ اعلؤم گود و هر جور درد و ناخوشی مردومِ شه، شفا بخشی.

لوقا 13:10

یکته از مقدس شنبه روزؤن، عیسی یهودی أنِ عبادتگاه میئن مردوم آموت.

لوقا 14:3

عیسی قاضی أن و فرَیسی أنَ جی بپورسه: «شفا دئن، شنبه میئن روا ایسّه یا نه؟»

لوقا 4:16

پَس عیسی ناصره شهر که اونه میئن پیله بوبُو بو بومَه و یهودی أن مقدس شنبه میئن، بنا به خو عادت عبادگاه یهود میئن بوشؤ. و خو پَاسه بیسه تا خدا کلامِ بوخؤنی.

لوقا 4:31

بازین عیسی کفر ناحوم سو، یکته از جلیلِ شهرون میئن، بُشو و شنبه روز میئن مَردم آموتنِ به دس بکارَ بؤ.

لوقا 6:1

یکته از مقدس شنبه روزؤن میئن، عیسی گندوم کلِه میئنای امادبو و اونه شاگردؤن گنُدم قوشه أن بچِئن و خوشؤنِ دَس امره بوسؤئسَن، خورده دبون.

لوقا 6:5

و اونه دُومباله عیسی بفرماسّه: «انسون ریکه که مو ایسم مقدس شنبه صاحاب ایسّه.»

یوحنا 5:3

اوره یکته پیله دسته علیل آدمون، یعنی کورؤن، شلون و فلجون خوتن. و آؤِ توکون خوردنِ ریفا ایسابوئن.

یوحنا 9:16

پس یسری از فریسی أن بوُتن: «ایی مردکای خدا طرف جَی نییه. چونکه مقدس شنبه قانونِ عمل نوکوئنه، ولی بقیه بوُتن: «چوطو یکته گوناهکار آدم، تینه ایجور نیشونه و معجزه أنِ انجوم بدای؟» و اوشونِ میئن اختلاف دکته.