لوقا 5:3 - کتاب مقدس به زبان گیلکی - گویش شرقی

³ پس عیسی یکته او نوئونِ که شعمون شی بو سوارَبؤ و اونای بخواسّه نوءِ، اَنی دریا کناراجی دورَ کونی. بازین خودش نوء میئن بنیشته و بنا بوده مَردم آموتن.

کیتاب مقدّس به گیلکی (رشتی)

³ عیسی ایتأ جٚه او کِرجی‌یأنَ کی شمعونٚ شین بو، سوارَ بوسته و اونٚ جأ بخوأسته کی ایتأ پیچه ساحلٚ جأ دورَ به. هَطو کی کرجی دورون نیشته‌بو، مردومَ فندرسته و خودا کلامَ اوشأنٚ رِه تعلیم دَیی.

Gilaki New Testament

³ پس ایتأ اَ لوتکأیأنٚ دورونی بینیشته و شمعونٚ کی او لوتکأ صأب بویَ بٚفرمأسته کی ایپچه جٚه سأحیلٚ دورَ بو کی اونٚ دورونی بینیشینه، جٚه اویَه مردومَ بأموجه.

کتاب مقدس به زبان گیلکی - گویش رشت و غرب گیلان

³ پس عیسی ایتا، لوتکا کی شَعمون شین بویَ سواربوست و اون جا بخواست لوتکایَ ایپیچه دریا کنار جا دورا کونه. بازون خودِش لوتکا سر بیینشت و بنا به مردوم آموختن بُکود.

لوقا 5:3 ပူးပေါင်းရင်းမြစ်များ

متّی 4:18

وختی عیسی جلیل دریا کنار راه شوءدبو، دو ته برأره بدِه به ایسم شمعون نامدار به پطرس و اونه برار آندریاس که، آؤ میئن سالی زِدبوئن، چونکه صیاد بوئن.

مَرقُس 3:10

چون هینه واسه که عیسی خیلی أن شفا بَدَه بو، ناخوشؤن اونه فوقوتَن تا اونه دست بزنن.

مَرقُس 3:9

اینه واسه که جمعیت خیلی زیاد بو، عیسی خوشِ شاگردؤن بفرماسّه یکته نوء اونه به حاضیرَ کونَن، تا مَردم اونه سر دنکالَن.

لوقا 5:2

دریا کنار، دو ته نوء بَده که صیادون اوشوناجی بیرون بومئن و خوشونِ سالیِ شورده دبون.

یوحنا 8:2

صوبه دم عیسی هنده معبدِ صاراکی میئن بومَه. اوره مردم همه اینه دور جومَه بوئن؛ و عیسی بنیشته بنا بوده مردومِ آموتَن.