لوقا 4:32 - کتاب مقدس به زبان گیلکی - گویش شرقی

³² اوشون اونه آموتنِ أمره ماتَ بوئن، چونکه اونه گبون میئن قدرت هنّه بو.

کیتاب مقدّس به گیلکی (رشتی)

³² مردومأن اونٚ تعلیمٚ جأ تعجب کودیدی چونکی اون، قودرت و قوّتٚ اَمرأ گب زه‌یی.

Gilaki New Testament

³² هوطویم اویَه، مردوم اونی آموجه‌یأن جَا قأقَ بوستٚد چونکی قودرت و ایقتدأرٚ اَمرأ گب زِئی.

کتاب مقدس به زبان گیلکی - گویش رشت و غرب گیلان

³² اوشان اونِ آموختن جا ماتا بوستید، چونکی اون گبان درون قدرت نئَه بو.

لوقا 4:32 ပူးပေါင်းရင်းမြစ်များ

مَرقُس 1:22

مردوم اونه آموتنای ماتَ بؤئن، چونکه قدرت أمره مردومِ آموتی، نه اوشونه تورات معلمون مورسون.

لوقا 2:47

هرکس او گبؤن ایشتؤس، اونه فهم و جوابؤنَ جی که دای، ماتَ بوی.

لوقا 4:33

عبادتگاه میئن، یکته دیوبزه مَرداک ایسابو که پلید روح داشت. او مردکه ژگله اَمره بوته:

لوقا 4:36

مَردم همه غاغه بؤئن و همدیگره گوتن: «ایی چوطو گُفتاری ایسّه؟ او قدرت و ایختیار امره پلید روحؤن فرمون دِئنه و اوشونم بیرون هَنن!»

یوحنا 6:63

خدا روح ایسّه که زنده کؤئنه؛ جسم فایده ندئنه. گبؤنی که مو شمره زِئنَم، روح و زندگی ایسّه.

یوحنا 7:46

نیگَهبونؤن جواب بدئن: «تا الؤن ایی مردکه مورسؤن هیشکس گب نزه!»

دوم قرنتیان 4:2

بلکی خلوتی راهون و شرم‌آور راهون اجی دوری بودیم و قاببازی هما جلو نشنیم، و خدای کلومه دسکاری نوکونیم، بلکی حقیقته آشکارا گونیم و تقلا کونیم خدا محضر مئن همه کس وجدون مئن تصدیق ببیم.

اوّل تسالونیکیان 1:5

چره که أمئه انجیل، هچی گب همرأ شمره نرسئه، بلکی قوت مئن و روح القدس مئن و کامل اطمینؤن همرأ شمره برسئه، هوجور کی دؤنین شیمئه وأسی چوطؤ شیمئه مئن رفتار بودیم.

تیتوس 2:15

ای چیزؤنه اعلؤم بوکون و تمؤم ایقتدار همرأ تشویق و تؤبیخ بوکون. نوگذأر هیکس تأ ندئه بؤ بگیره.