لوقا 23:26 - کتاب مقدس به زبان گیلکی - گویش شرقی

²⁶ وختیکه عیسی بوردبؤن یکته مَردکای به ایسم شَمعون، که قیرَوانِ مردم جی بو و زمیناجی، شهر میئن امئدبو، بیتَن و صلیبِ اونه دوش سر بنَئن، و اونه مجبورَ گودن عیسی دومبالسر ببری.

کیتاب مقدّس به گیلکی (رشتی)

²⁶ هو وخت کی عیسایَ بردَن دیبید اعدام بوکونید، ایتأ مردای شمعون نام کی قیرَوانٚ شین بو، صحرا جأ وأگردستن دوبو شهر. اونَ مجبور بوکودیدی کی عیسی صلیبَ خو دوشٚ رو بنه و اونٚ دونبألسر بشه.

Gilaki New Testament

²⁶ رومی سروأزأن عیسایَ ببردٚد. هو زمأت کی شؤئؤندوبود ایتأ مردأی کی زیمینٚ سٚر وأگردستأندوبو و اونی ایسم شمعونٚ قیروأنی بو، بیگیفتٚده و صلیبَ اونی کؤل بٚنأده، اونَ وأدأشتٚد کی اونَ عیسا دونبألسر ببره.

کتاب مقدس به زبان گیلکی - گویش رشت و غرب گیلان

²⁶ وقتی کی عیسیَ بَردید، ایتا مرداک شَمعون نام جه قیرَوان مردوم کی زمین جا به شار اَموئیَ بیگیفتید و صلیبَ اونِ کول سر بنئید، و وادارَ کودید کی اونِ عیسی دُمبالسر فاکِشه.

لوقا 23:26 ပူးပေါင်းရင်းမြစ်များ

متّی 5:41

اگه یکته رومی سرباز تَه مجبورَ کونی اونه بارِ دو کیلومتر ببوری، چهار کیلومتر اونه به ببور.

لوقا 14:27

و هرکس خوشِ صلیب خو کول سر ننای و هنکَشِی و می دومبال نای، می شاگرد منئه بؤن.

لوقا 23:25

او مَرداکی که شورش و قتل واسه زندؤن میئن ایسابو و جماعت اونه آزادیِ خواستن ویلَه گوده و عیسی ایشونه هَدَه تا خوشونِ دیل بخواه اونه امره رفتار بکونَن.

لوقا 9:23

بازین هَمَته بفرماسّه: «اگه کسی بخوای می دومبال بای، باید خوشِ حَشا بکونی، هر روز خوشِ صلیب ویگیری و می دومبال بَای.

اعمالٚ رسولأن 13:1

اَنطاكیه كلیسا دیرون، پیغمبرؤن و معلمؤن ایسابوئن: بَرنابا، شمعون معروف به نیجِر، لوكیوسِ قیرَوانی، مَنائِن که هیرودیس حاکیم ناتنی برأر بو و شائول.

اعمالٚ رسولأن 2:10

و فْریجیه، پامفیلیه و مصر و لیبی سامؤن سر که قیرَوانِ شی بو، و رومی زائرؤن

اعمالٚ رسولأن 6:6

ایی مرداكؤنِ رسولؤنِ ورجه ببوردن و رسولؤن دعا بودن، و اوشونِ سر دست بنئن و ایی خدمتِ سر بنائن.

اعمالٚ رسولأن 6:9

بازین چند نفر یکته عبادتگاه آدمون جی که شناس به ’ آزادَ بوئؤأنِ عبادتگاه‘ بو، ایستفان أمره بحث بودَن. اوشون قیرَوانِ یهودی أن و اسكندریه و كیلیكیه و آسیا شی بوئن.