لوقا 20:6 - کتاب مقدس به زبان گیلکی - گویش شرقی

⁶ اَگه هم بوگویم انسؤنَ جی بو، مَردم همته اَمَره سنگسار کوئنَن، چونکه ایی باورَ دئنَن که یحیی پیغمبر بو.»

کیتاب مقدّس به گیلکی (رشتی)

⁶ اگه بیگیم: ‹اینسأنٚ جأ بو…› بأزین مردوم همه‌تأن اَمرَ سنگسار کونیدی، چونکی یقین دأریدی کی یحیی پیغمبر بو.»

Gilaki New Testament

⁶ اگه‌یٚم بیگیم اینسأنٚ جَا بو، مردوم اَمٚرَه سنگسأر کونٚده، چونکی یوحنایَ ایتأ پیغمبر دأنٚده.»

کتاب مقدس به زبان گیلکی - گویش رشت و غرب گیلان

⁶ اَگه ئم بیگیم آدمی جا بو، مردوم همتان اَمَره سنگسار خوائید کودن، چون اَ بَاورَ دَریدی کی یحیی پیغمبر بو.»

لوقا 20:6 ပူးပေါင်းရင်းမြစ်များ

متّی 11:9

پس چی چی دِئنه وَسه بوشوئین؟ یکته پیغمبر دئنه به؟ بله، شمره گونم بیشتر از یکته پیغمبر.

متّی 14:5

هیرودیس خوأس یحیی بکوشی، امّا مردومای ترسی چونکه یحیی، یکته پیغمبر دونَسَن.

متّی 21:26

و اگه بوگؤیم آدمَ جی بو، مردومای ترسنیم، چون اوشون همته یحیی پیغمبر دؤئنَن.»

متّی 21:46

و با اینکه خواستَن اونه گرفتارَه کؤنن، مردومَ جی واهیمه داشتَن، چونکه اوشؤن عیسی، پیغمبر دونَسَن.

متّی 26:5

ولی گوتَن: «نه عیدِ روزؤن میئن، نبی که مردوم شورش بکونَن.»

مَرقُس 12:12

اوشون خواسّتن عیسی بگیرَن، چونکه بفهمسبون که ایی حیکایت اوشون باره بوته، امّا جَمعیت جی واهیمه داشتن پَس عیسی ویلَه گودَن و بوشؤئن.

لوقا 1:76

و تو، می زاک، خُدای متعال پیغمبر دوخونده بنی؛ چونکه خُداوندِ پیش دکته راه شنی تا راه اونه به آبادَه کونی،

لوقا 20:5

اوشون همدیگر امره مشورت بودن، بوتَن: اَگه بوگویم خدا جی بو، گونه، ”پَس چرِه اونه ایمؤن نأردین؟“

لوقا 20:7

پَس جواب بدئن: «نودؤنیم از کوره ایسّه.»

لوقا 7:30

امّا فرَیسی أن و قاضی أن قبول نودَن یحیی دَستای تعمید بگیرَن و ایی کار أمره هدفی که خدا اوشونه به داشتِ ردّ گودن.

یوحنا 10:41

خیلی​أن اونه ورجه بومَئن. اوشؤن گوتَن: «یحیی هیچ نیشونه و معجزه​ای انجوم ندا، ولی هر چی که ایی مردکه باره بوته، درست بو.»

اعمالٚ رسولأن 5:26

پس معبدِ نگهبانؤن فرمؤنده، مأمورؤنِ أمره بوشؤئن و رسولؤنِ بأردَن، اما زور أمره نه، چون ترسِئن مردم ایشؤنِ سنگسار بکونن.