لوقا 2:39 - کتاب مقدس به زبان گیلکی - گویش شرقی

³⁹ هیطو که یوسف و مریم، خُداوند شریعت رسم همه دنَه بجا بأردَن، خوشون شهر ناصرِه سو که جلیلِ ولایت میئن هنه بو، وگرسن.

کیتاب مقدّس به گیلکی (رشتی)

³⁹ عیسی پئر و مار بعدٚ اَنکی تومامٚ خوداوندٚ شریعتَ بجا بأوردیدی، وأگردستیدی بوشوییدی خوشأنٚ شهر، ناصره، کی جلیلٚ میأن نهَه.

Gilaki New Testament

³⁹ یوسف و مریم دینی مرأسیمٚ انجأم دئنٚ پٚسی، وأگردٚستٚد خوشأنی شهر ناصره کی جلیل اوستأنٚ میأن نٚهأ بو.

کتاب مقدس به زبان گیلکی - گویش رشت و غرب گیلان

³⁹ هَطو کی یوسف و مریم خُداوند شریعت رسمَ همه ذرّه بجا باوردید، به جلیل و خوشانِ شار ناصره واگردستید.

لوقا 2:39 ပူးပေါင်းရင်းမြစ်များ

متّی 3:15

عیسی اونه جواب میئن بوته: «بدار الؤن ایطؤ ببی، أمَه به درست تر اینه که خدا حوکمونِ تمؤم و کمال بجا بأریم.» پس یحیی راضی بوبؤ.

لوقا 1:26

ششمی ماه، الیزابت حاملگی میئن، جبرائیل فرشته از خدا سو یکته از جلیلِ ولایت شهرؤن، سرا دا بوبوُ که اینه ایسم ناصره بو،

لوقا 1:6

زکریا و الیزابت هر دوته خُدا نظرِ میئن صالح بوئن و خداوندِ تمومِ حکمؤن و اصولِ بی عیب انجوم دَئن.

لوقا 2:4

یوسف هم ناصره شهرَ جی که جلیل ولایت میئن هنه بو، بوشو یهودیه ولایت، شهری که داوود زَادگاه بوُ یعنی بیت لحم، چونکه داوود نَسل ونتاج بو.

لوقا 2:51

عیسی ایشونه امره راه دکته و ناصره سو بُشو و خو پئر و مئر فرمون بر بو. امّا اونه مئر ایشؤنِ همه خو دیلِ میئن داشت.

لوقا 4:16

پَس عیسی ناصره شهر که اونه میئن پیله بوبُو بو بومَه و یهودی أن مقدس شنبه میئن، بنا به خو عادت عبادگاه یهود میئن بوشؤ. و خو پَاسه بیسه تا خدا کلامِ بوخؤنی.

لوقا 4:23

عیسی ایشونه بوته: «حتم دئنم ایی حیکایت مِه به اَبنین که ”اَی طبیب تَه شفا بَدی! اوچیه که کفرناحوم شهر میئن بودی و امه بشتؤسیم، اِره، تی شهر میئن هم انجؤم بَدی.“‌»