لوقا 16:13 - کتاب مقدس به زبان گیلکی - گویش شرقی

¹³ هیچ غلومی دوته اربابَ منِئه خدمت بکونی، چونکه یا از یکته نفرت پیدا کوئنه و یکتای دیگرِ به محبت کوئنه، و یا یک نفر به فدا بنه و یکتای دیگرِ کوشتای دؤئنه. منئین هم خُدا بنَده ببین، هم پول بَنده.»

کیتاب مقدّس به گیلکی (رشتی)

¹³ هیچ غولامی نتأنه دوتأ اربابَ خدمت بوکونه. یا اوّلی جأ نیفرت دأره، دوّمی‌یَ موحبت کونه، ویا اوّلی‌یَ دیل دٚوٚده و او ایتأیَ بد دأره. شومأن نتأنیدی هم خودا بنده بیبید و هم پولٚ بنده.»

Gilaki New Testament

¹³ هیتأ خیدمتکأر نتأنه دوتأ اربأبَ خیدمت بوکونه، چونکی یا اینفرٚ جَا نیفرت اوسأنه و اویتأیَ دوس دأره و یا اینفرَ سٚرسپرده ایسه و جٚه اویتأ بیزأر به. هطویم نشأ هم خودا سٚرسپرده بوستن هم پولَ.»

کتاب مقدس به زبان گیلکی - گویش رشت و غرب گیلان

¹³ هی غُلامی دو اربابَ خیدمَت نتانه کودن، چونکی اینفر جا خَفت خوائه داشتن و اویتای دوست دَره، و یا خوره اینفرَ ره فدا کونه و اویتایَ پست اِشماره. نتانید هم خُدا بَنده بیبید، هم پول بَنده.»

لوقا 16:13 ပူးပေါင်းရင်းမြစ်များ

متّی 4:10

عیسی اونه بوته: «دورَه بو، ای شیطون! چونکه توراتِ میئن بنویشته بوبؤ: «”خداوندْ تی خُدا، پرستش بکون و فقط اونه عیبادت بکون.“»

متّی 6:24

«هیشکس دو ته اربابِ خدمت گوده منه، چونکه یا یکتَه جی نفرت دئنه و اوته دوست دئنه، و یا ینفره مینه و اؤته کوشتای دوئنه. منئین شمه، هم خدا بنده ببین و هم پولِ بنده.»

لوقا 11:23

هرکس که می امره نیه، می ضیدِ، و هرکس که می أمره جومَه نکونی، پخشَ کوئنه.

لوقا 14:26

«هر‌کی می ورجه بای و از پئر و مَئر، زن و زاک، برار و خاخور، و حتی خوشِ جؤنای بیزاری نداری، می شاگرد منئه بؤئن.

لوقا 16:12

و اَگه یه نفر دیگرِ مال و منال به امین نبین، کیسه که شیمه مالِ شمَرَه هَدای؟

لوقا 16:9

شمره گونم که ایی دنیایِ فاسدِ مالِ، ریفق یاتّنِ به خرج بکونین تا وختیکه او مال تمنه بو، اوشون شمره ابدی خونه ان میئن قبول بکونن.

لوقا 9:50

عیسی بوته: «اونه جُلُوئه نگیرین، چونکه هرکی برضد شمه نیه، شیمه اَمَرِه ایسّه.»

یعقوب 4:4

ای زناکارون، مگه نودوئنین دنیا أمره دوستی گودن خدا أمره دشمنی گودَن ایسّه؟ پس هرکس دنبال ای ببی که دنیا أمره دوستی بکونی، خودشِ خدا دوشمن بوده.