لوقا 13:14 - کتاب مقدس به زبان گیلکی - گویش شرقی

¹⁴ امّا عبادتگاه پیلتر، از اوره که عیسی شنبه میئن شفا بَدَه بو، برزخ بؤ و مَردم بوته: «شش روز کار گودنِ به دئنین. او روزؤن میئن باین و شفا هگیرین، نه شنبه میئن.»

کیتاب مقدّس به گیلکی (رشتی)

¹⁴ کنیسه سرپرست کی بیده عیسی شَبّاتٚ روزٚ رِه او زنأکَ شفا بده اونَ غیظَ گیفته، وأگردسته مردومَ بوگفته: «شیش روزٚ هفته تأنیدی شیمی کارأنَ انجام بدید. هو روزأنٚ میأن وأستی شفا بیگیرید، نه اَنکی شَبّاتٚ روزٚ دورون.»

Gilaki New Testament

¹⁴ امّا او کنیسه‌ مٚسؤلٚ غیظَ گیفتٚه چونکی عیسا او زنأکَ شبّأت روجٚ میأن شفأ بٚدأ بو. پس غیظٚ اَمرأ او جِمئیتَ بوگفته: «هفته میأن شیش روج وأستی کأر کودن، اَ شیش روجٚ میأن بأیید شفأ بیأفید، امّا نه شبّأت روجٚ میأن.»

کتاب مقدس به زبان گیلکی - گویش رشت و غرب گیلان

¹⁴ ولیعبادتگا پیله تر اون واسی کی عیسی شنبه درون شفا بدَه بو، بَرزَخا بوست و مردومِ بگفت: «شش روج کار ره دَریدی. اُ روجان درون بائید و شفا بیگیرید، نه شنبه درون.»

لوقا 13:14 ပူးပေါင်းရင်းမြစ်များ

متّی 12:2

فریسی فرقه عالمون هیطوکه اینه بدئِن، عیسی بوُتن: «نیگاه بکون تی شاگردؤن کاری کأدرن که مقدس شنبه میئن نباید گودَن.»

مَرقُس 5:22

بزین یکته از عبادتگاه رئیسون که یایروس ایسم داشت،اوره بومه و عیسی دِئن امره اونه پِا جیر بکته

لوقا 6:11

امّا اوشون خیلی برَزَخ بوئن و همدیگر امره گب به بینشتَن که عیسی امره چی بکونیم.

لوقا 6:7

تورات معلمؤن و فرَیسی أن فرقه عالمون، عیسی پاستن تا بَینَن که مقدس شنبه روز میئن کسیِ شفا دِئنه یا نه؛ چونکه منتظر بهونه بُن تا اونه بهتون بزنن.

لوقا 8:41

ایی میئنه، یکته مَرداک به ایسم یایِروس، که عبادتگاه یهود پیلتر بو، بومه و عیسی پا جیر بکته، منّت بوده که بأی اونه خونه،

اعمالٚ رسولأن 13:15

بعدِ اونکه تورات و پیغمبرؤن بنویشته أنِ بوخوندَن، عبادتگاه پیلترون ایشؤنه به پیغوم سرادائن و بوتَن: «برأرؤن، اگه گبی دئنین که مردم تشویقِ کوئنه، بوگوین.»

اعمالٚ رسولأن 18:17

اوشؤنم همه‌ سوستِنیس سر که عبادتگاه رئیس بو حمله بودن و اونه محکمه جلو بزِئن. اما گالیو خوشه به ننَه.

اعمالٚ رسولأن 18:8

كْریسپوس، عبادتگاه رئیس، تمام خوشه خونه آدمؤن أمره خداوندِ ایمؤن بأردن. هیطورم خیلی از قُرِنْتُس آدمون وختی ای پیغؤم بشتؤسَن، ایمؤن بأردن و غسل تعمید هیتن.

رومیأن 10:2

چونکی مو ایشون باره تینم گوائی بدئم کی خُدا واسی غیرت دانن، ولی نه دونایی همرا.