لوقا 12:10 - کتاب مقدس به زبان گیلکی - گویش شرقی

¹⁰ هرکسی یکته گب ضد انسون ریکه که مو ایسّم بوگوی، ببَخشه بنه، امّا هرکسی روح‌القدس کُفر بوگوی، بَبخشه نبنه.

کیتاب مقدّس به گیلکی (رشتی)

¹⁰ هر کی اینسأنٚ پسرٚ ضد بد بگه ولی توبه بوکونه، ببخشه به، ولی اگه روح‌القدسٚ ضد کوفر بگه، ببخشه نیبه.

Gilaki New Testament

¹⁰ اَسه اَنٚ اَمرأ هر گبی کی اینسأنٚ پٚسرٚ ضد بوگفته بٚبه، بٚبخشه به امّا هر کی روح‌القدسٚ ضد گب بٚزٚنه، هیوخت بٚبخشه نیبه.

کتاب مقدس به زبان گیلکی - گویش رشت و غرب گیلان

¹⁰ هرکی گبی، ضدّ انسان پسر بگه، ببَخشه خوائه بوستن، ولی هرکی روح‌ القدسِ کُفر بگه، ببَخشه نخوائه بوستن.

لوقا 12:10 ပူးပေါင်းရင်းမြစ်များ

لوقا 23:34

عیسی بوته: «پئر، ایشونِ بَبَخش، چونکه نودُئنَن چی کأدرن.» هوموقع اوشون قرعه تؤدَن تا اونه رختؤنِ خوشونِ میئن سهم بکونن.

اوّل تیموتائوس 1:13

با ای کی پیشتر کفر گوتم، عذاب دأم و تؤهین گودم. ولی مأ رحم بوبؤ؛ چونکی بی‌ایمؤنی مئن نادؤنی گودم.

اوّل یوحنا 5:16

اگه یه نفر بینی اینه برار یکته گناه کائدره که موردَنِ ختم نبنه، دعا بکونی و خدا اونه زندگی هدِئنه. اینه کسی باره گونم که اونه گناه، موردَنِ ختم نَبَنه. گناهی هنّه که موردَنِ ختم بنه، ای جور گناهِ باره نگونم که باء دعا گودن.