یوحنا 21:18 - کتاب مقدس به زبان گیلکی - گویش شرقی

¹⁸ راست، راستِ، تَه گونم، زمؤنی که جوونتر بی، تی کمر دوَسّی و هر جا که خوأستی شوی؛ امّا وختی که پیرَ بی، تی دستؤنِ بازَ كوئنی و ینفر دیگه تی کمرِ دَودنه، اوره که نخؤانی، تَه بِئنه.»

کیتاب مقدّس به گیلکی (رشتی)

¹⁸ آمین، آمین، ترَ گم، زمانی کی جوانتر بی، تی کمرَ دَوستی و هر جا کی خوأستی شویی؛ امّا وختی کی پیرَ بی، تی دسأنَ درازَ کونی و کسی دیگر تی کمرَ دَوَده و به جایی کی نخوأیی بیشی، ترَ بره.»

Gilaki New Testament

¹⁸ حِئقت اَنٚ کی وختی جوأن بی هر چی خأستی تأنستی بوکونی و هر جأیی کی خأستی تأنستی بیشی، ولی وختی پیرَ بی، البأقیأن تی دٚسَ گیرده و اَرَ اورو فأکٚشِئده، و تٚرَه جأیی بٚرٚده کی نخأیی بیشی.»

کتاب مقدس به زبان گیلکی - گویش رشت و غرب گیلان

¹⁸ حئیقتن، تره گَم، زماتی کی جوان بی تی کمرَ دَوَستی و هرجا کی خواستی شوئی؛ ولی هَطو کی پیرَ بی تی دَسانَ وازا کونی و اینفر دیگه تی کمر دَوَده و اویا کی نخوائی بیشی بره.»

یوحنا 21:18 ပူးပေါင်းရင်းမြစ်များ

لوقا 12:37

خوشا به حال هو خدمتکارونی که وختی اوشون ارباب وگردنه، اوشونه بیدار بَینه. راست راستِ، شمره گونَم، خودش خو رخت خدمت دوکوئنه؛ اوشونه سفره سر نیشؤنبِئنه و هنه ایشونه خدمت کوئنه.

یوحنا 13:36

شمعون پطرس بوته: «آقا، کوره شوئدری؟» عیسی جواب بدا: «تو الؤن او جایی که مو شوئودرم منِئی مي دومبال بأی. امّا بعداً می دومبال هَنی».

یوحنا 21:17

سُومی بار اونه بوته: «شمعون، یونا ریکه، مه دوست دَئنی؟» پطرس اورهَ جی که عیسی سه بار اونای بپورسه که مه دوست دَئنی، ناراحتَ بوُ و جواب بدا: «آقا؛ تو همه چی خبرِ دئنی؛ تو دؤئنی که تَه دوست دَئنم.» عیسی بوته: «می گوسندونِ غذا هَدی.

یوحنا 21:19

عیسی ایی گبِ بزه تا پطروس بودونی که چوطو مینه و خو موردنِ اَمره خدا جلال دِئنه. بازین عیسی اونه بوته: «می دومبال بیه.»

اعمالٚ رسولأن 21:11

او اَمه ورجه بومَه و پولُس کمرغیش بیته، خو دستؤن و خو پاأنِ اونه أمره دوَسه و بوته: «روح القدس گونه که: ”اورشلیم یهودی أن ایی کمرغیش صاحب ایطوری دوَدَنَن و غیر یهودی أن دست هدِئنن.“‌»

دوم قرنتیان 5:4

چون تا او زمت کی ای خیمه مئن ایسایم سنگین بار همرا آه کشنیم، نه این واسئه کی لوخت بنیم، بلکی ویشته بپوشونئه بنیم، تا زیندگی او چئه کی فانی‌ئه فبره.