یوحنا 20:1 - کتاب مقدس به زبان گیلکی - گویش شرقی

¹ اوّلی روز هفته میئن یعنی یکشنبه صوبه دیمَی، حلِه که هوا تاریک بو، مریم مجدلیه مقبره سر بوشو و بدِه که اونه سنگ یکته کنار گرادا بوبؤ.

کیتاب مقدّس به گیلکی (رشتی)

¹ در اوّلین روزٚ هفته، وختٚ سحر، زمانی کی هوا هنوز تاریک بو، مریم مَجْدَلیّه مقبره ورجه بوشو و بیده کی اونٚ سنگ اوسَده بوبوسته.

Gilaki New Testament

¹ یکشنبه روج، صُبٚ دٚم، هنو هوا تأریک بو، مریمٚ مجدلیه بوشؤ قبر سٚر و قأقَ بوسته چونکی بیدِه سنگ قبرٚ دٚرٚ جَا کنأر بوشؤ بو.

کتاب مقدس به زبان گیلکی - گویش رشت و غرب گیلان

¹ هفته اولتّا روج یعنی یکشنبه صوب دَم، اُ زمات کی هوا هنو تارک بو، مریم مَجَدلیّه مَقبره سر بامو و بیده کی سنگ ایتا کنار گیل بدَه بُبوسته.

یوحنا 20:1 ပူးပေါင်းရင်းမြစ်များ

متّی 27:56

اوشونه میئن مریم مجدلیّه و مریم، یعقوب و یوسف مَئر و زبدی ریکاکونِ مَئرم ایسأبُوئن.

متّی 27:60

و یکته مقبره میئن که تازه خوشِ به صخره میئن بتاشته بو، بَنه و یکته پیله سنگ مقبره دهنه جلو گرادَه و بوشو.

متّی 27:64

پس دستور بدین مقبره​، تا سه روز بپائن، نبی اونه شاگردؤن بَئن و اونه جنازه بدوزدَن و مردومِ بوگون که او مُرده​أنای ویریسا، که ایطوری، ایی آخری کلک، از اوّلی کلکَم بدتر بنه.»

متّی 27:66

پس بوشوُئن و مقبره سنگِ مُهر و موم بودَن و چنته سرباز اوره بنَئن تا مقبره بپائن.

متّی 28:1

بعد از مقدس شنبه، اولّی روز هفته صوبه دم، مریم مجدلیّه و اوته مریم مقبره دِئنه بِه بوشوُئن.

متّی 28:2

یدفا​ری یکته پیله زمین لرزه اتفاق دکته. چونکه خداوندِ یکته فرشته آسمونای جیر بومَه و مقبره سو بوشو و سنگِ اونه جلوأجی یکته کنارَی گرادا و اونه سر بنیشته.

مَرقُس 15:46

یوسف هم یکته پارچه کتان بیه و عیسی جنازه صلیبای جیر بأرده، کتان میئن فیبیته و یکته مَقبره میئن که صخره میئن بتاشته بوبوُ بو، بَنه. بازین یکته سنگِ، مقبره دَهَنه جُلُو گرا دا.

مَرقُس 16:9

وختی عیسی اولی روز هفته میئن صوبه دَم زنده بوبو اول، مریم مجدَلیَه به که اونای هفت ته دیو بیرونَ گوده بو، ظاهیرَ بوُ.

یوحنا 11:38

بازین عیسی، هنده خیلی پریشون بو، مقبره سر بومَه. مقبره، یکته غار بو که اونه دهنه سر یکته سنگ بَنه بوئن.

یوحنا 11:41

پس اوشؤن سنگ ویتَن. هوموقع عیسی آسمؤن نیگاه بُوده و بوته: «پِئر، تَه شکر کوئنَم که می صدا بشتؤسی.

یوحنا 19:25

اما عیسی صلیب نزدیکی، اونه مَئر و اونه خاله و مریم کْلوپاس زن و مریم مَجْدَلیّه ایسأ بوئن.

یوحنا 20:26

هشت روز بعد یعنی یکشنبه، عیسی شاگردؤن، هنده خونه میئن ایسأ بُن و توما هم اوشونه اَمره بو. با ایی که درؤن قفل بوئن، عیسی دیرون بومَه و اوشؤن میئن بَیسَه و بوته: «سلام بر شمه!»

اعمالٚ رسولأن 20:7

اوّلی روز هفته، نون پارَه گودنِ به جومَه بویم. پولُس مردم بِه گب زی، و چون تصمیم داشت فردأیی اورای بشی، اونه گب زئن تا نصف شؤ طول بکشه.

اوّل قرنتیان 16:2

هر هفته اولی روز، هرته از شمه خا خوشه درآمد اجی یکچی دیمه بنی و خوشه بداری، تا وختی که مو هنم، ده لازیم نبی کی پیشکشونه جیماکونین.

موکأشفه 1:10

خداوند روز مئن، خدا روح مأ بیته و یکته بولند صدا، شیپور صدای مورسؤن، می پوشت ور أجی بشتؤسم