یوحنا 2:16 - کتاب مقدس به زبان گیلکی - گویش شرقی

¹⁶ و کبتر فروشؤنِ بوته: «ایشونه اِرای بیرون ببورین، می پِئر خونَه، معامله خونه، چانکونین!»

کیتاب مقدّس به گیلکی (رشتی)

¹⁶ و کبوتر فروشأنَ بوگفته: «اَشأنَ از اَیه بیرون ببرید و می پئرٚ خانه‌یَ به محلٚ کاسبی تبدیل نوکونید!»

Gilaki New Testament

¹⁶ بأزون بوشؤ کوتٚر فروشأنٚ ورجأ و بوگفته: «اَشأنَ جٚه اَیَه بٚبٚرید بیرون و می پئر خأنه‌یَ بأزأرٚ مأنستَن چأنکونید.»

کتاب مقدس به زبان گیلکی - گویش رشت و غرب گیلان

¹⁶ و کوتر فروشان بگفت: «اَشانَ جه اَیا بیرون ببَرید، و می پئر خانه یَ کسب و کارِ جیگا چانکونید!»

یوحنا 2:16 ပူးပေါင်းရင်းမြစ်များ

متّی 21:12

هووخت عیسی خدا معبدِ میئن بوشؤ و اوشونی​یه که اوره کاسبی کأئدبونِ، بیرونَ گوده و صرافؤنِ تختؤن و کبتر فروشؤنِ بساطِ فگاردنه.

متّی 21:13

عیسی اوشونه بوته: «بَنویشته بوبُؤ​که، ”می خونه، دعاخونه بنه،“ امّا شمه اونه راهزنونِ لؤنه چاگودین.»

متّی 22:5

امّا اوشؤن محل نوُدَن و هرته خوشؤنِ راهِ بوشؤن یکته زمین سر و اویکته خوشِ کاسبی سر.

مَرقُس 11:17

بازین اوشونه تعلیم بدا و بوته: «مگه مقدس کیتابون میئن بنویشته نوبؤبو که، «”می خونه همته قومؤن به دوعا خونه، دوخونده بنه“؟ امّا شمه اونه ’دوزؤن لونه‘ چاگودین.

لوقا 2:49

امّا عیسی اوشؤنه بوته: «چرِه می دومبال بگرسین؟ مگه نودؤنسین که مو باء می پئر خونه میئن بَیسَم؟»

یوحنا 10:29

می آسمونی پئر که اوشونِ مَه ببخشه، همه کسای پيله‌تره و هیشکس منئه اوشونه می پئرِ دستَ جی بقاپی.

یوحنا 2:15

پس عیسی لافندای شلاّق چاگوده و اوشونه هَمَه، گوسندؤن و گوؤنه اَمره معبدای بیرونَ گوده و صرافؤنِ سکه​أنِ زمین سر باگده و اوشونِ میزؤنِ فگاردنه،

یوحنا 20:17

عیسی اونه بوته: «مَه دست نزن، چونکه حلِه می پئر ورجه جؤر نوشؤم. بلکه می برارون ورجه بشو و اوشونه بگو: می پئر ورجه و شیمه پئر ورجه، می خدا ورجه و شیمه خدا ورجه جؤر شوئد​رم.»

یوحنا 5:17

ولی عیسی اوشونه جواب بده: «می آسمونی پئر حله کار کؤئنه، منم کار کوئنم.»

یوحنا 8:49

عیسی جواب بدا: «مو دیو ندَئنم، بلکه می آسمونی پئرِ حرمت نِئنَم. امّا شمه مَه، بی حرمتی کوئنین.

اوّل تیموتائوس 6:5

و دائم مردوم مئن جنگ و جدال باعیث بنه کی ایشؤن فیکر بپیسئه و حقیقت أجی بینصیب ایسن و خیال کؤنن کی دینداری یکته وسیله ایسه منفعت ئبه.

دوم پطرس 2:3

و خوشؤن طمع راه مئن، دورؤغ گبؤن همأ، شمره غارت کؤنن. ایشؤن محکومأبؤن کی قبلترؤن تعیین بوبؤ، ایشؤن رافا ایسأ و ایشؤن نابودی نخوته!