یوحنا 18:15 - کتاب مقدس به زبان گیلکی - گویش شرقی

¹⁵ شمعون پطرس و یکته شاگرد دیگه عیسی دومبالسر راه دکتن. چون او شاگرد پیله کاهن آشنا بو، بوتونسه عیسی أمره پیله کاهِن خونه صاراکی میئن بشی.

کیتاب مقدّس به گیلکی (رشتی)

¹⁵ شمعونٚ پطرس و ایتأ شاگردٚ دیگر عیسی دونبألسر بوشوییدی. او شاگرد از آشنایأنٚ کاهنٚ اعظم بو. پس عیسی اَمرأ واردٚ حیاطٚ خانه‌یٚ کاهنٚ اعظم بوبوسته.

Gilaki New Testament

¹⁵ شمعونٚ پطرس و ایتأ دِه جٚه شأگردأنٚم، عیسا دونبألسر بوشؤده چونکی او شأگرد، پیله کأهینَ شنأختی، بتأنسته عیسا دونبألسر بشه پیله کأهینٚ خأنه دورون.

کتاب مقدس به زبان گیلکی - گویش رشت و غرب گیلان

¹⁵ شَعمونِ پِطرُس و ایتا شاگرد دیگه ئم عیسی دُمبال بُشوئید. چون اُ شاگرد پیله کاهن اَمرا آشنا بو بتانست عیسی امرا پیله کاهن خانه صارا بدرون بشه.

یوحنا 18:15 ပူးပေါင်းရင်းမြစ်များ

متّی 26:3

پس کاهینون سرون و قوم شیخون، کاهینِ اعظمِ کاخِ میئن که، قیافا اینه ایسم بو. جومَه بوئن

مَرقُس 14:54

پِطرُس هم دورادوری عیسی دومبالسر بوشؤ تا پیله کاهین خونه صارا میئن برسه. پَس اوره، آتش ورجه، نیگَهبونؤنِ أمره بنیشته تا خوشِ گرمَ کونی.

لوقا 22:54

بازین عیسی بیتَن و پیله کاهین خونه میئن بَبوردَن. پِطرُس دورادور ایشونِ دومبال راه دکته.

یوحنا 18:24

بازین حَنّا اونه دست دوسّه، پیله کاهن قیافا ورجه سرا دا.

یوحنا 18:28

صوبه دم بو که عیسی، قیافا ورجه جی فرماندار کاخ میئن ببوردَن. اوشؤن خوشؤن، کاخ میئن نوشؤن که نجیسَ نوبؤئن تا بتؤنَن عید پِسَخ شامِ بوخورَن.