یوحنا 14:24 - کتاب مقدس به زبان گیلکی - گویش شرقی

²⁴ اونی که مه دوست ندَئنه، می کلامِ انجوم ندِئنه؛ و ایی کلامِ که ایشتؤنین می جَی نیه، بلکه می پئرای ایسه که مه سرا دا.

کیتاب مقدّس به گیلکی (رشتی)

²⁴ اونی کی مرَ دوست نأره، می کلامم ایطاعت نوکونه، و اَ کلامَ کی ایشنَویدی از من نی‌یه، بلکی از پئری‌یه کی مرَ اوسه کوده.

Gilaki New Testament

²⁴ اگه اینفر مٚرَه دوس ندأره، می کلامٚ جَا ایطأعت نوکونه. اَ گبأنی کی ایشتأویدی، جٚه من نییٚه، بلکی جٚه او پئری ایسه کی مٚرَه اوسه کوده.

کتاب مقدس به زبان گیلکی - گویش رشت و غرب گیلان

²⁴ اونکی مَرا دوست ندَره، می کلامَ بجا ناوره؛ و اَ کلامَ کی ایشتاویدی می جا نیه، بلکی جه پئری ایسه کی مَرا اوسِه کوده.

یوحنا 14:24 ပူးပေါင်းရင်းမြစ်များ

متّی 19:21

عیسی جواب بده: «اگه خوأئنی کامل ببی، بشو و هرچی که دَئنی بفروش و اونه پولِ ندارؤنِ هدی که، آسمون میئن گنج دئنی. بازین بیه و مَه دومبالَ کون.»

یوحنا 14:10

مگه باور ندَئنی که مو پئر میئن و پئر می میئن ایسَه؟ گبؤنی که مو شمره گونم می جَی نییه، بلکه پئرَ جی ایسّه که می میئن ساکینِ. اونه که خوشِ کارؤنِ به انجؤم رسونِئنه.

یوحنا 14:15

«اگه مه دوست بدارین، می حکمؤنِ انجوم دِئنین.

یوحنا 14:25

«ایی چیزؤنِ وختی شمره بوتم که حله شیمه اَمره ایسام.

یوحنا 3:11

راست راستِ، تَه گونم أمه اوچیزی جی که دؤنیم، گب زِئنیم و اوچیزی که بدِیم، گوایی دِئنیم، امّا شمه امه گوایی قبول نوکؤنین.

یوحنا 3:34

چون اونی که خدا اونه سرا دا، خدا کلامِ گونه، هینه واسه که خدا، خوشِ روحِ بی حد و اندازه اونه هدِئنه.

یوحنا 5:19

پس عیسی اوشونه ایطوری بوته: «راست راستِ، شمره گونم که ریکه خوشای هیچ کاری گوده منِئه مگر او کارؤنی که دینه اونه آسمونی پئر انجؤم دِئنه؛ چونکه هرکاری آسمونی پئر کوئنه، ریکه أم هو کارِ کوئنه.

یوحنا 5:38

و اونه کلام شيمه دیلِ میئن زندگی نوکوئنه. چونکه اونه سرادأکه ایمؤن ندَئنین.

یوحنا 7:16

پس عیسی اوشونه جواب بده: «ایی چیزونی که شمره آموجنِئنَم، می جَی نییه، بلکه اونای ایسّه که مه سرا دا.

یوحنا 7:28

هووخت عیسی آموتن موقع معبدِ میئن، پیله صدا أمره بوته: «مه شنأسنین و دؤنین که کورای بومَئم، ولی مو مِه به نومَئم، اونی که مه سرا دا، حقّ ایسّه، و شمه اونه نشنأسنین.

یوحنا 8:26

خیلی چیزؤن دَئنم که شیمه باره بوگؤم و شمره محکومَ کونم، امّا اونی که مه سرا دا، حق ایسه و مو اوچیزی که اونای بشتؤسَم، دونیا به اعلؤم کوئنم.»

یوحنا 8:28

پس عیسی اوشونه بوته: «وختی که انسون ریکه چوب سر جؤر ببرین و بکوشین، هووخت فَهمنین که مو هو ایسّم و خودمَ جی کاری نوکؤنَم، بلکه فقط اوچیزیه گونم که می آسمونی پِئر مه باموته.

یوحنا 8:38

مو هرچی جی که آسمونی پئرَ جی بدِئم گب زِئنَم و شَمَرَم اوچیزی که شیمه پئرای بشتؤسین انجوم دِئنین.»

یوحنا 8:42

عیسی ایشؤن بوته: «اگه خدا شیمه پئر بو، مه دوست داشتین، چونکه مو خدا طرفای بومئم. و الؤن إرِه ایسَم. مو مه به نومئم، بلکه او مه سرا دا.