یوحنا 13:14 - کتاب مقدس به زبان گیلکی - گویش شرقی

¹⁴ پس اگه مو که شیمه اوستاد و آقام، شیمه پأئنه بوشوستم، شَمَرَم بأء همدیگره پأئنه بوشورین.

کیتاب مقدّس به گیلکی (رشتی)

¹⁴ پس اگه من کی شیمی اوستاد و سرورم، شیمی پایأنَ بوشوستم، شومأن هم بأید همدیگرٚ پایأنَ بوشورید.

Gilaki New Testament

¹⁴ هسأ، من کی شیمی خوداوند و اوستأد ایسٚم، شیمی پأیأنَ بوشؤستم، شومأنم وأستی کس‌کسٚ پأیأنَ وأشورید.

کتاب مقدس به زبان گیلکی - گویش رشت و غرب گیلان

¹⁴ پس اَگه من کی شیمی آقا و اوستادَم شیمی لنگانَ بُشوستم، شُمانم بایسی همدیگر لنگانَ بُشورید.

یوحنا 13:14 ပူးပေါင်းရင်းမြစ်များ

یوحنا 11:2

مریم هو زنی بو که خداوندِ پائنه سر روغنی عطر فوده و خوشِ موؤنِ اَمره اونه خوشکَ گوده. اونه برأر ایلعازَر ناخوشَ بؤ بو.

اعمالٚ رسولأن 20:35

مو از هر نظر شمره نیشون بدم که باء ایطو سخت کار بکونیم تا بتؤنیم ضعیفؤن دستِ بگیریم، و عیسی خداوند گبؤنِ به یاد بدأریم که چطو خودش بوته: ”هَدَئن، هیتَن جی بهتره.“‌» “‌

رومیأن 12:10

برار مورسون کس کسه دوست بدارین. کس کسون اجی احتروم گودن مئن پیش دکین.

رومیأن 12:16

همديگر همرا مدارا بوکونین! مغرور نبین، بلکی اوشون همرا کی ساده و ضعیف ایسن، شؤن امان بدارین. هرگی شمره دؤنا نینین.

اوّل قرنتیان 12:3

پس شمره گونم که هرکس بواسطه خدا روح گب بزنی، هرگی نگونه لعنت بر عیسی ، و هیچکس بی اون که روح القدس واسیطه ببی منئه بوگوی « عیسی خداوند ایسّه.»

اوّل قرنتیان 8:13

هینه واسه ، اگه غذا می برار گراخوردن باعیث بنه، هرگیز گوشت نخونم، نبون که اون گراخوردن باعث بانی ببوم.

دوم قرنتیان 10:1

مو، پولس، خودم مسیح فروتنی و نرمی همرا شمره میننت کونم-منی کی خیلی از شمه گونین وقتی شیمئه ورجه ایسام سربجیرم و او زمت کی شیمئه ورجه نیسام جسورم!

دوم قرنتیان 8:9

چونکه امئه خداوند عیسی مسیح فیض اجی واخوبین که هرچند دولتمند بو، شیمئه واسی ندارابو تا شمه اون نداری مئن دولتمندابین.

غلاطیأن 5:13

چون أی برأرؤن، شمه آزادی به دوخؤنده بوبؤین، فقط شیمئه ای آزادی جی یکته فرصت مورسؤن، جسم ئبه، ایستفاده نوکونین، بلکی محبت همرأ، کس کسه خدمت بوکونین.

فیلیپیان 2:11

و هرته زبؤن موقؤر بأ کی عیسی مسیح خداوند ایسه، خدای پئر جلال ئبه.

اوّل تیموتائوس 5:10

و خؤرم کارؤن أنجؤم دأن مئن شناس ببون، یعنی: خوشؤن زاکؤنه پیلله بوده‌بی، نسبت به غریبه ئان میمؤندوست ببون، مقدسین پأنه بوشؤرده بی، دردمندؤن أجی مراقبت بوده بی، و خوشؤنه هرجور خؤرم کار ئبه وقف بوده‌بی.

عبرأنیأن 12:2

و امئه چوشم فقط به عیسی ببی که امئه ایمون پایهَ و امئه ایمونه کاملاکونه و او شادی واسی که اون جلو هنّابو، صلیبه خو جون ئبه بَیئه، اون خفت و خواریِ ندئه بو بیته و خدا راست دست تخت ور نیشته.

۱پطرس 4:1

پس چونکی مسیح جسم مئن عذاب بدئه، شمرأم خودتؤنه ای طرز فیکر همأ حاضیر و آماده بوکونین، چون هرکس کی جسم مئن عذاب بدئه، د گوناه همأ کار ندأنه.

۱پطرس 5:5

هیطؤرم شمه أی جوؤنؤن، مشایخ أجی ایطاعت بوکونین. همه ته شیمئه کردکار مئن کس کس همرأ، فروتنی بدأرین، چونکی، «خدا مغرورؤن جلؤ ایسنه، ولی فروتنؤنه فیض هدئنه.»