یوحنا 10:4 - کتاب مقدس به زبان گیلکی - گویش شرقی

⁴ وختی خوشِ همته گوسندؤنِ بیرون ببوری، اوشونه پیش تر قدم ویگینه و گوسندؤن اونه دومبالسر شنن، چونکه اونه صدا شنأسنَن.

کیتاب مقدّس به گیلکی (رشتی)

⁴ وختی تومامٚ خو گوسفندأنَ بیرون بره، جولُوتر از اوشأن قدم اوسَنه و گوسفندأن اونَ دونبألسر شیدی، چونکی اونٚ صدایَ شنأسیدی.

Gilaki New Testament

⁴ اون گوسوٚندأنَ پیش دکفه رأ شِه و گوسوٚندأنٚم اونی دونبألسر شٚده چونکی اونی صدایَ شنأسٚده.

کتاب مقدس به زبان گیلکی - گویش رشت و غرب گیلان

⁴ وقتی کی تمان خو گوسفندانَ بیرون ببَره، پیشتر جه اوشان قدم اوسانه و گوسفندان اونِ دُمبالسر شید، چونکی اونِ صدای ایشناسیدی.

یوحنا 10:4 ပူးပေါင်းရင်းမြစ်များ

متّی 16:24

بازین عیسی وگرسه و خو شاگردؤن بوته: «اگه کسی بخوای می دومبال بای، باید خوشِه حشا بِکونی، خوشِ صلیبه ویگیری و می دومبالسر بائ.

یوحنا 10:16

گوسندؤنِ دیگرم دَئنم که ایی گئچه شی نییَن. اوشؤنم باء بأرم و اوشؤنم می صدا گوش کوئنَن. هو وخت یکته گلّه بنن با یکته چوپؤن.

یوحنا 10:27

می گوسندؤن، می صدا گوش کؤئنن؛ مو اوشونِ شنأسنم و اوشؤن می دومبال هَنن.

یوحنا 10:3

دربؤن، دَرِ اونه بِه وأکؤنه و گوسندؤن اونه صدا ایشتؤنَن. او خوشِ گوسندؤنِ، به ایسم دوخُوبِنه و اوشونِ بیرون بِئنه.

یوحنا 10:5

اوشؤن غریبه دومبالسر نشَنَن، بلکه اونای فرار کؤنن، چونکه غریبه أنِ صدا نشنأسَنَن.»

یوحنا 10:8

اوشؤنی که می جَی پیشتر بومَئن، همته دوزد و راهزن ایسّن، امّا گوسندؤن اوشونه گوش نودَن.

یوحنا 12:26

اونی که خوائنه مه​خدمت بکونی، بأیستی مَه دومبالَ کونی؛ و جایی که مو ایسَئم، می خدمتکارم ایسَه. کسی که مه خدمت بکونی، می پئر اونه عزت دِئنه.

یوحنا 13:15

مو ایی کار أمره شمره نیشون بدَئم تا شَمَرَم هیطو رفتار بکونین که مو شیمه أمره بودَم.

یوحنا 18:37

بازین پیلاتُس عیسی جی بپورسه: «پس تو یکته پادشاه ایسّی؟» عیسی جواب بدا: «تو گونی که مو پادشاهم. مو هینه وَسه بزاسّه بوبؤم و هینه واسه ایی دونیا میئن بومئم تا حقیقت به گوایی بدِئم. هرکس حقیقتِ جی ایسّه، می گب گوش کؤئنه.»

یوحنا 3:29

عروس دامادِ شِه، امّا داماد ریفق که ایسنه و اونه گوش دِئنه، دامادِ صدا أیشتؤسنای خیلی شادی کؤئنه. می شادی هم الؤن، هیطوری کاملَ بنه.

اوّل قرنتیان 11:1

پس، می جی سرمشق بگیرین، هوطو که مو مسیحَ جی سرمشق گینم.

افسسیان 5:1

پس هوطو عزیز زاکون مورسون، خدا جی سرمشق بگیرین.

عبرأنیأن 12:2

و امئه چوشم فقط به عیسی ببی که امئه ایمون پایهَ و امئه ایمونه کاملاکونه و او شادی واسی که اون جلو هنّابو، صلیبه خو جون ئبه بَیئه، اون خفت و خواریِ ندئه بو بیته و خدا راست دست تخت ور نیشته.

عبرأنیأن 6:20

او جیگه که عیسی أمرأجی جلوتر و امئه وأسی دورین بوشؤ، و تا ابد پیله کاهین بوبُو، ملکیصدق موقؤم مئن.

۱پطرس 2:21

چون شمه هین وأسی دوخؤنده بوبؤین، چون مسیحم شیمئه وأسی عذاب بکشئه و شیمئبه یکته سرمشق بنأ تا اون پاچالهَ پا دنین.

۱پطرس 4:1

پس چونکی مسیح جسم مئن عذاب بدئه، شمرأم خودتؤنه ای طرز فیکر همأ حاضیر و آماده بوکونین، چون هرکس کی جسم مئن عذاب بدئه، د گوناه همأ کار ندأنه.

۱پطرس 5:3

نخأین که اوشؤن سر کی شیمئه دست بسپارده بوبؤن آقایی بوکونین، بلکه او رومه به نمونه ببین،