یوحنا 1:17 - کتاب مقدس به زبان گیلکی - گویش شرقی

¹⁷ چونکه شریعت بواسطه موسی پیغمبر هَده بوبؤ؛ ولی فیض و حقیقت، بواسطه عیسی مسیح بومَه.

کیتاب مقدّس به گیلکی (رشتی)

¹⁷ چونکی شریعت توسطٚ موسی بمو، امّا فیض و راستی به واسطه‌یٚ عیسی مسیح بمو.

Gilaki New Testament

¹⁷ چونکی خودا حوکمأنَ موسا بأوٚرده، ولی فیض و رأستی‌یَ، عیسای مسیح.

کتاب مقدس به زبان گیلکی - گویش رشت و غرب گیلان

¹⁷ چونکی شریعت بواسطه موسی فَدَه بُبوست؛ ولی فیض و حئیقت، بواسطه عیسیِ مسیح بامو.

یوحنا 1:17 ပူးပေါင်းရင်းမြစ်များ

یوحنا 1:14

کلمه، انسؤن بوبُؤ و امه میئن ساکینَ بؤ. اَمه اونه جلالِ بدیم، جلالی، لایق اونه یکدنه ریکه که پِئر جی بومَه، که فیض و حقیقتَ جی پورِ.

یوحنا 14:6

عیسی اونه بوته: «راه و حقیقت و زندگی مو ایسّم؛ هیشکس آسمونی پئرِ ورجه نئنه مگر مو واسطه بوبُم.

یوحنا 18:37

بازین پیلاتُس عیسی جی بپورسه: «پس تو یکته پادشاه ایسّی؟» عیسی جواب بدا: «تو گونی که مو پادشاهم. مو هینه وَسه بزاسّه بوبؤم و هینه واسه ایی دونیا میئن بومئم تا حقیقت به گوایی بدِئم. هرکس حقیقتِ جی ایسّه، می گب گوش کؤئنه.»

یوحنا 5:45

فکر نکونین مو ایسّم که آسمونی پئر ورجه شمره متّهمَ کؤنه؛ اونی که شمره متّهمَ کؤنه موسای پیغمبر ایسّه، هونی که شمه اونه امید دَوَسّین.

یوحنا 7:19

مگه موسای پیغمبر، شریعتِ شمره هَنده؟ با ایی حال هيچكدوم از شمه اونه عمل نوکُوئنه. چرِء اینه دومبالین که مه بکوشین؟»

یوحنا 8:32

و حقیقت شنأسنین و حقیقت شمره آزادَ کوئنه.»

یوحنا 9:29

اَمه دؤنیم خدا موسی اَمره گب بزه. ولی نودؤنیم ایی مرداک کورَ جی بومَه.»

اعمالٚ رسولأن 28:23

پس یه روز معین بودن و خیلی أن او جایی که پولُس زندگی گود بومَئن تا اونه بَینن. پولُس صوب تا شؤ، خدا پادشاهی باره توضیح بده و گب بزه و حقسعی بوُده تا موسی تورات و پیغمبرؤن کیتاب أمره، اوشون قانع بکونی که عیسی قبول بکونن.

اعمالٚ رسولأن 7:38

ایی هو موسی ایسّه که بیابون میئن جماعت امره ایسابو، هو موسی ایسه که یکته فرشته أمره کوه سینا میئن گب بزه و هو موسی ایسه که أمه پئرون أمره بو. موسی كلامی که زندگی بخشنَه‌ هَیته تا اونه اَمره برسونه.

رومیأن 6:14

چونکی گنا شیمئه سر حکم نوکوئنه، چره کی شریعت جیر نیساین، بلکی فیض جیر ایساین.

دوم قرنتیان 1:20

چونکه تموم خدا وعده ان عیسی مسیح مئن بله ایسه. هینه واسه بواسیطه اونه که امه آمین گونیم تا خدا جلال بیاجی .

غلاطیأن 3:17

می گب اینه: شریعت کی چهارصد و سی سال بعد بمأ، او عهدئه کی خدا پیشتر دبسته‌بو باطیل نوکؤنه، یکجور کی وعده هیچ ببون.

عبرأنیأن 9:22

راس راسه مطابق شریعت تقریبا همه چی خون أجی پکأبنه و بی ای کی خون فوده ببی، گونائان آمرزش وجود ندأنه.