یعقوب 3:2 - کتاب مقدس به زبان گیلکی - گویش شرقی

² چونکی أمه خیلی راهون میئن خطا کوئنیم. اگه ینفر خو گب زئن میئن خطا نکونی، کامیلِ آدم ایسّه و تینه خو تمؤمِ تَن جلو بگیری.

Gilaki New Testament

² معلومٚه کی اَمأن همٚتأن، خٚیلی لغزش خوردنٚ گریفتأرَ بیمی. ولی اونی کی گب زِئنٚ دورون نٚلغزه، اون ایتأ کأمیلٚ آدمٚ و تأنه تومأمٚ خو وجودٚ موسلط بٚبه. اگه اینفر بتأنه خو زٚوأنٚ بٚدأره، قودرت دأره همه چی دورونم خؤرَه موسلط بٚبه.

کتاب مقدس به زبان گیلکی - گویش رشت و غرب گیلان

² چونکی اَمان خَیلی رائان درون خطا کونیمی. اَگه اینفر خو گب زئن درون خطا نُکونه، کاملِ آدمِ و تانه تمان خو تن جُلُویَ بیگیره.

یعقوب 3:2 ပူးပေါင်းရင်းမြစ်များ

متّی 12:34

ای افعی​بزاسّه أن، چطو تینین خوروم گب بزنین وختی که بد ایسیّن؟ چونکه زبؤن از اوچیزی که دیل اونای پوره ، گب زِئنه.

متّی 12:37

چونکه شیمه گبؤن اَمره تبرئه بنین و شیمه گبؤن اَمره محکومَ بنین.

رومیأن 3:10

هوطوکی مقّدس کتاب مئن بنویشته بوبو: «هیکّس صالح نئه، حتی یگ نفر.

رومیأن 7:21

پس ای قانونه فهمنم کی وقتی خوانم خوبی بوکونم، می دسفارس بدی هننا.

اوّل قرنتیان 9:27

بلکه می تنِ سختی دِئنم و یکته برده موسون اونه اسیر دانم، تا نکونی بعد او که دیگرونه به موعظه بودم ، خودم ردَ بوم.

غلاطیأن 3:22

اما مقدس بنویشته ئان اعلؤم بوده که همه ته گوناه مئن أسیرن، تا او وعده کی عیسی مسیحه ایمؤن دأشتن راه جی ایسه، اوشؤنئه کی ایمؤن بأردن هدأ ببون.

غلاطیأن 5:17

چونکی جسم خواسته ئان، خدا روح ضیده و خدا روح خواسته ئان، جسم ضیده؛ چون ای دوته کس کس ضیدن، یکجور کی د مننین هرچی کی خأنین بوکونین.

کولسیان 1:28

أمه اونه اعلؤم کؤنیم، و همه تهَ ایشتؤ زئنیم و همه کسه تمؤم حیکمت همأ تعلیم دئنیم، تا همه کسه مسیح مئن پیله آدمؤن مورسؤن خدای ورجه بأریم.

کولسیان 4:12

اپافراس کی خودتؤن أجی و مسیح عیسی نؤکر ایسه، شیمئبه سلام دأنه. او همیشک دعا مئن خدا یأجی خأنه کی شمه پیلله و خاطیرجمع آدمؤن مورسؤن قایم بیسين و خدا ایراده أجی کامیلا ایطاعت بوکونین.

عبرأنیأن 13:21

هو خدا شمره هر خورمچی همره مجهز بکونی تا اون ارادهَ بجا بأرین، تا او چی که خدا راضی کؤنه بواسیطه عیسی مسیح امئه مئن به عمل بأری. هو عیسی مسیح که جلال تا ابد و تا ابد اون همره ببی. آمین.

یعقوب 1:26

اگه یه نفر گومان بکنی که دین دار ایسه و نتونه خوش زبان جلو بگیری، خودشه گول زئدره، اونه دین داری هیچ ارزشی ندائنه.

یعقوب 1:4

پس بوگذارین صبر و تحمل کاملا خوش ثمرهَ هدی، تا بی عیب و کامل ببین و هیچی دیرون کم نَداَرین.

یعقوب 2:10

چونکه اگه یه نفر همه شریعت بجا باری ولی یکته از اوشون میئن کم کاری بکونی، تمام او شریعت میئن گناهکار ایسّه.

۱پطرس 3:10

چونکی، «هرکس بخأ زیندگئه دوست بدأره و خؤرم روزؤنه بینه، خأ خوشه زبؤنه بدی جی بدأره و خوشه توک مچهَ چاچولبازی جی دبده.

۱پطرس 5:10

أننی زمؤن سختی و عذاب پسی، پورفیض خدا، کی شمره مسیح مئن دوخؤنده تا اون ابدی جلال مئن شریک ببین، شمره هندئه بنا کؤنه و پایدار و پورقدرت و پابرجا چاکؤنه.