عبرأنیأن 7:27 - کتاب مقدس به زبان گیلکی - گویش شرقی

²⁷ او بقیه کاهینون جور احتیاج ندئنه هر روز اول خوشه گُناهؤن واسه و بأزون مردوم گُناهؤن واسه قربؤنی بکونی، چونکه یک دفأ همیشک ئبه اینه انجوم بدأ، او زمت که خوشه قربؤنی بوده.

Gilaki New Testament

²⁷ اون هیوخت ایحتیأج نأرِه البأقی کأهینأنٚ مأنستَن، هر روج، اوّل خو گونأیأنٚ رِه و اونٚ پٚسی قومٚ گونأیأنٚ رِه، قوربأنی بوکونه؛ چونکی وختی صلیبٚ سٚر، خؤرَه اَمی وأسی قوربأنی بوکود، دِه همیشٚکٚ رِه تومأمٚ قوربأنیأنَ تومأنَ کوده.

کتاب مقدس به زبان گیلکی - گویش رشت و غرب گیلان

²⁷ اون دیگر پیله کاهنانِ مانستن، احتیاج ناره کی هر روج اول خودشه گُنائانِ واسی بازون مردومِ گُنائان واسی قربانی بُکونه، چونکی ایوار همیشک ره اَنه انجام بدَه، اُ موقع کی خورَه قربانی بُکوده.

عبرأنیأن 7:27 ပူးပေါင်းရင်းမြစ်များ

رومیأن 6:10

چون او خوشه مَردن هما گناه واسی، یگ دفا همیشک ئبه، بمرده و زیندگی که او کونه، خُدای ئبه زیندگی کونه.

افسسیان 2:22

و شمرام کس کسون هما مسیح مئن بنا بنین تا یکته خونه ببین کی خدا بواسیطه خوشه روح اون مئن ایسنه.

افسسیان 5:2

و محبت مئن کردکار بدأرین، هوطو کی مسیح نی امره محبت بوده و خوشه جؤنه یکته قوربؤنی و یکته خوشبو پیشکش مورسون امئبه خدا تقدیم بوده.

تیتوس 2:14

کی خوشه جؤنه أمئبه هدأ تا أمره هرته شرارت أجی رهایی بدئه و پاک مردومی خوشئبه چاکونه که هچی خودش شی ببون و خؤرم کارؤن ئبه غیرت بدأرن.

عبرأنیأن 5:1

چون هر پیله کاهینی که مردوم میئنای دوجین بنه، تعیین بنه تا او کارون مئن کی خدا ربط دأنه مردوم نماینده ببی، تا گوناأنِ وسه پیشکشؤن و قوربؤنی ئنی خدا به تقدیم بکونی.

عبرأنیأن 5:3

هینه واسه، او خأن خو گناأن ئبه قوربؤنی هدی، هوطؤ که مردوم ئبه هدئنه.

عبرأنیأن 8:4

ایسه اگر او زمین سر ایسابی، هرگی کاهن نوبؤنأبو، چونکه کاهنؤنی ایسأن که بنا به شریعت حکم، پیشکشؤن هدئنن.

عبرأنیأن 9:12

او یک دفأ همیشک ئبه قدس الاقداس مئن بمأ، نه بوزؤن و گؤکولؤن خون همأ، بلکی خوشه خون همأ، و ایطؤ ابدی رهاییِ حاضیراگوده.

عبرأنیأن 9:14

چندی ویشتر مسیح خون که بواسیطه ابدی روح، خوشه بی عَیب خدای ئبه پیشکش بوده امئه وجدؤنه بیخودی کارون جی پکأکونه تا زینده خدا خدمت بوکونیم!

عبرأنیأن 9:25

و ایطؤ نئه که او خوشه تترج قوربؤنی بکونی، یکته پیله کاهین جور که هر سال قدس الاقداس مئن شنه، اونم او خون همأ که خودش خون نئه.

عبرأنیأن 9:26

چونکه ایطؤ مسیح خأسی او زمت جی که دونیا بنا بوبو تترج عذاب بکشی، اما ایطؤ نوبؤ. او ألؤن یک دفأ همیشک ئبه آخرته زمؤنؤن مئن بمأ تا خو قربؤنی گودن همره، گوناه از مئن ویگیری.

عبرأنیأن 9:28

پس مسیحم که یک دفأ قوربؤنی بوبؤ تا خیلی ئن گوناهؤنه ویگیری، دومی بار ئبه هنه، ولی نه گوناهؤن ویتن ئبه، بلکه اوشؤن نجات وأسی که شوق همأ اون ئبه چوشم رافایی دأنن.

عبرأنیأن 9:7

اما هچی پیله کاهین دومی قسمت مئن شنه و اونم هچی سالی یک دفأ، و خو همرأ قوربونی خونه بئنه تا خوشئبه و او گوناهون ئبه کی مردوم، نادونی خؤنی بودن، پیشکش بکونی.