عبرأنیأن 3:1 - کتاب مقدس به زبان گیلکی - گویش شرقی

¹ پس ای مقدس برارؤن، ای شمه که آسمؤنی دعوت میئن شریک ایسّین، شیمه چوشم عیسی سر دبی که او رسول و پیله کاهینه، که اونه ایمون دانیم و اونه اعتراف کونیم.

Gilaki New Testament

¹ پس اَی جأنٚ دیلٚ برأرأن و خأخورأن، اَی سیوأ وأکوده‌یأن و خودا دؤجین بوبوسته‌یأن کی آسمأنٚ فأرٚسِئنٚ رِه دعوت بوبوستیدی، بأیید دروأره‌یٚ عیسا فیکر بوکونیم، او کسی‌یَ کی ایعترأف کونیم خودا روسول و اَمی پیله کأهینه.

کتاب مقدس به زبان گیلکی - گویش رشت و غرب گیلان

¹ پس اَی مقدّسِ براران، اَی شُمان کی آسمانی دعوتِ درون شریکید، شیمی چوم عیسیَ بِبه کی رسول و پیله کاهن ایسه، کی اونَ ایمان داریم و اونَ اعتراف کونیم.

عبرأنیأن 3:1 ပူးပေါင်းရင်းမြစ်များ

یوحنا 17:3

و ایی ایسّه ابدی زیندگی که تَه، تنها خدای حقیقی و عیسی مسیحِ که سرا دا​ی، بشنأسَن.

یوحنا 20:21

عیسی هنده اوشونه بوته: «سلام بر شمه! هیطو که پئر مَه سرا دا، منم شمره سرا دِئنم.»

یوحنا 20:27

بازین عیسی، توما بوته: «تی انگشت بنی إرِه و می دستؤن بَین. تی دست جلو بأر و می تک سولاخ میئن دکون. بی ایمؤن نبو، بلکه ایمؤن بدأر.»

اعمالٚ رسولأن 1:15

یکته از او روزؤن پطرس، برارونِ میئن که همته حدود صد و بیست نفر بوئن، سرپا بِیسه

رومیأن 11:17

ولی اگه بعضی از خالون ببئه بوبؤن و تو کی وحشی زیتونِ خال بی، الباقی خالونِ هما زیتون دارَ پیوند بخوردی و ایسه زیتون دار بَنه شیره اجی کی مقویه خونی،

رومیأن 15:27

اوشون خودشون خواستن ای کاره بوکونن؛ و راس راسی اوشون اورشلیم ایموندارونِ مدیون بون. چون اگه غیر یهودیئن، برکات روحانی مئن یهودیئن همرا شریکابون، یهودیئنَم خأ برکات مالی مئن اوشونَ خدمت بوکونن.

رومیأن 15:8

چون شمره گونم كی مسيح، ختنه بوبؤرؤن خدمتکار بوبؤ تا خُدا راستئه نشؤن بدئه، تا او وعده ئانه کی خدا امئه اجداده هدابو، تصدیق بوکونه.

رومیأن 9:24

حتی امرام کی اون اجی دوخونده بوبویم، دربر گینه، نه فقط یهودیئنه، بلکی غیر یهودیئنم هیطو.

اوّل قرنتیان 1:2

خدا کلیسای به کی قُرنتُس شهر میئن هننا، و اوشونی که مسیح عیسی میئن تقدیس بوبؤن و دعوت بوبوئن تا کس کس همرا مقدس بوبون، همته اوشؤن أمره که هرته جا جیگه میئن أمه خداوند ایسم عیسی مسیحه دوخونبِئنن، که أمه خداوند و اوشؤنِ خداوند ایسّه:

اوّل قرنتیان 10:17

چون که نون یکته ایسّه، اَمه خیلی ایسیم، یکته تن ایسّیم، چونکه همته یکته نون جی سهم بئنیم.

اوّل قرنتیان 9:23

مو ایشونِ همهَ انجیل وسه کأدرم، تا بلکی اونه برکتونِ میئن سهمی بدارم.

دوم قرنتیان 1:7

أمه امید شیمه باره پابرجا ایسّه، چونکه دوئنیم هوطو که أمه عذابؤنِ میئن سهم دئنین، أمه تسلی مئن نی خا سهم بدارین.

دوم قرنتیان 9:13

ای خدمت واسی مردوم خدا جلال دئنن، چونکی شمه نه فقط اعتراف کونین مسیح انجیله ایمون دانین بلکه اوشون و دیگرونه او چی مئن کی دانین شریک کونین.

افسسیان 3:6

او راز اینه کی غیریهودئنم مسیح عیسی مئن و بواسیطه انجیل، هم ایرثن و هو تن اعضا ایسن و خدا وعده مئن شریکن.

افسسیان 4:1

پس مو کی خداوند واسی زیندون مئن درم، تمنا دانم کی شیمئه کردکار، شایسته دعوتی کی شمراجی بوبو، ببون؛

افسسیان 4:4

هوطو کی یکته تن هننأ و یکته روح- خدام او زمت کی شمره دعوت بوده یکته امید شمره هدأ-

فیلیپیان 3:14

هدفه فأرسئن ئبه تقلا کؤنم، تا او جایزهَ به دست بأرم کی خدا اون وأسی مأ مسیح عیسی مئن، جؤر سمت دوخؤنده دأنه.

کولسیان 1:12

پئره شکر بوکونین کی شمره قابیل بودؤنسه که او میراث مئن کی مقدسین نور مئن دأنن، شریکأبین.

کولسیان 1:22

ایسه او بواسیطه خوشه مرگ، خو جسمؤنی تن مئن شمره أشتی بدأ، تا شمره مقدس و بی عیب و بیدون هیچ سرکوفتی، خدا حضور بأره،

کولسیان 3:12

پس خدا دؤجئه آدمؤن مورسؤن کی مقدس و عزیزن، دیلسوجی، مهربؤنی، فروتنی، ملایمت و صبر رخته دوکونین.

اوّل تسالونیکیان 2:12

هرته أز شمره یکته یکته تشویق بودیم، تسلی بدأیم و سفارش بودیم تا اوجور کی خدا شأن ایسه زیندگی بوکونین، کی شمره خوشه پادشاهی و جلال ور دوخؤنه.

اوّل تسالونیکیان 5:27

خداوند جلؤ شمره قسم دئنم کی ای نؤمهَ همه ته برأرؤن ئبه بوخؤنین.

دوم تسالونیکیان 1:11

هین وأسئه، أمه تترج شیمئبه دعا کأدریم تا أمئه خدا شمره خوشه دعوت ئبه قابیل بودؤنه و خوشه قوت همرأ هرته خؤرم نیت و هرته کاره کی ایمؤن أجی سرچشمه گینه، أنجؤم بدئه،

دوم تسالونیکیان 2:14

ایطؤ بو که او شمره بواسیطهٔ أمئه انجیل دوخؤنده تا أمئه خداوند عیسی مسیح جلال شیمئه نصیب ببون.

اوّل تیموتائوس 6:12

ایمؤن خؤرم جنگ مئن بجنگ و او أبدی زیندگئه که اون ئبه دوخؤنده بوبؤی و اونه زیاد شاهیدؤن جلؤ اعتراف بودی، دچکی.

اوّل تیموتائوس 6:2

اوشؤنی کی ایشؤن أربابؤن ایمؤندارن، نخأ برأر بؤن خؤنی اوشؤنه کمته حرمت بنئن. بلکی خأن بهتر اوشؤنه خدمت بوکونن، چون اوشؤنی کی ای خدمت مئن منفعت بئنن، ایمؤندار و عزیزن. ای چیزؤنه اوشؤنه تعلیم بدی و تشویق بوکون کی ایطؤ بوکونن.

دوم تیموتائوس 1:9

او خدا که أمره نجات بدأ و یکته مقدس زیندگی به دوخؤنده. اینه نه أمئه کارؤن وأسی، بلکی خوشه فیض و هدف وأسی؛ کی مسیح عیسی مئن بنأ، أمره هدأ،

دوم تیموتائوس 2:7

او چی سر کی گوته درم فیکر بوکون، چونکی خداوند هرچی مئن تأ فهم هدئنه.

عبرأنیأن 10:19

پس برأرؤن، اؤره جی که خاطیرجمعم که بواسیطه عیسی خون تینیم قدس الاقداس مئن بشیم،

عبرأنیأن 10:21

و اؤره جی که یکته پیله کاهین، خدای خؤنه به دأنیم،

عبرأنیأن 10:23

بأین بی ای که شک بکونیم، او امیده که اونه اعتراف بودیم قایم دچکیم، چون وعده بدأکس وفاداره.

عبرأنیأن 13:22

برأرؤن، شمرجی خأنم می گبه که پند و نصیحته تاب بارین، چونکه خلاصه شیمئبه بنویشتم.

عبرأنیأن 2:11

چون اونیکه تقدیس کونه و اوشونی که تقدیس بنن، همه یکته سرچشمه دأنن. چونکه اونه عار نأنه که اوشونِ برار دوخؤئنی.

عبرأنیأن 2:17

هینه وسه، لازیم بو او از هر نظر خو برارؤنِ مورسؤن ببی تا بتونی پیله کاهن مقؤم میئن وفادار و بخشنده و خدا خدمتکار ببون تا مردوم گوناهونِ به کفاره بکونی.

عبرأنیأن 3:12

برارؤن، واخوب ببین نبی که شیمه میئنای کسی شرور و بی ایمؤن دیل بداری که خدای زنده جی شمره دوراکونی.

عبرأنیأن 3:14

چونکه امه مسیح میئن شریکَ بویم، اگر راس راسه او اطمینونه که اولسر جی داشتیم تا آخر قائیم بداریم.

عبرأنیأن 6:20

او جیگه که عیسی أمرأجی جلوتر و امئه وأسی دورین بوشؤ، و تا ابد پیله کاهین بوبُو، ملکیصدق موقؤم مئن.

عبرأنیأن 7:26

چونکی راس راسه ای بجا بو که امه ای جور پیله کاهن بداریم، که مقدس، بی گوناه، بی عیب، گوناهکارون جی سیوا، و جلال بیته آسمؤنؤن جی جؤرتر ببی.

عبرأنیأن 7:28

چون شریعت، آدمونه اوشون ضعفون مئن، پیله کاهین بؤن ئبه تعیین کؤنه، ولی او قسم کلمه ئان که شریعت پسی بمأ، او ریکهَ تعیین بوده که تا ابد کامل بوبؤ.

عبرأنیأن 9:11

اما وقتی مسیح، پیله کاهن مقؤم مئن، خؤرمچی ئن ئبه بمأ که ایسه امئه نصیب بوبؤ، او یکته پیله تر و کاملتر خیمه مئن بمأ که دست جی چاگوده نوبو و ای خلقت شی نئه.

عبرأنیأن 9:15

و مسیح یکته تازه عهد واسیطهَ، تا اوشونی که دعوت بوبؤن بوتؤنن او ابدی میراثه که خدا وعده بدأ بدست بأرن. چونکه یکته مرگ ایتفاق دکته که اوشونه او گونائان جی که اولی عهد مئن انجوم بوبؤ، رهایی دئنه.

۱پطرس 2:9

أما شمه دؤجئه نسل و کاهینؤنی ایسین کی شاهؤنه کاهینی کؤنین. شمه مقدس میللت و خدا خاص مردوم ایسین تا اون عالی صفتؤنه اعلؤم بوکونین کی شمره تاریکی جی خوشه عجیب نور ئبه دوخؤنده.

۱پطرس 3:5

چونکی قدیم مقدس زناکؤن کی خدا امید دبسته‌بون، خوشؤنه ایطؤ قشنگ گودن. اوشؤن خوشؤن مرداکؤن أجی فرمؤن بردن،

۱پطرس 5:1

مو کی خودم یکته از مشایخم و مسیح رنجؤنه شاهید بوم و او جلال مئن که آشکارأبنه شریک ایسم، او مشایخه کی شیمئه مئن ایسأن سفارش کؤنم:

۱پطرس 5:10

أننی زمؤن سختی و عذاب پسی، پورفیض خدا، کی شمره مسیح مئن دوخؤنده تا اون ابدی جلال مئن شریک ببین، شمره هندئه بنا کؤنه و پایدار و پورقدرت و پابرجا چاکؤنه.

اوّل یوحنا 1:3

او کلام که أمه بدیم و بشتوسیمِ شیمه به اعلوم کوئنیم تا شمه هم أمِه أمره رفاقت بدارین؛ حقیقتا هم أمه رفاقت پئر و اینه ریکه، عیسی مسیح أمره ایسّه.

یهودا 1:1

یهودا طرف أجی، عیسی مسیح نؤکر و یعقوب برأر، اوشؤن ئبه کی دوخؤنده بوبؤن و پئر خدا مئن عزیزن، و اوشؤن ئبه کی مسیح عیسی وأسی حیفظ بوبؤن:

موکأشفه 17:14

اوشؤن بره همأ جنگنن، اما او بره ایشؤنه بسر بنه؛ چون او خداوندؤن خداوند و شاهؤن شاه ایسه- و اوشؤنی که اون همرأ ایسأن، اون دعوت بوبؤرؤن و دؤجئرؤن و اون وفادارؤنن.»

موکأشفه 18:20

أی آسمؤن، اون ئبه شادی بوکون! أی مقدسین و رسولؤن و پیغؤمبرؤن، اون ئبه شادی بوکونین! چون خدا شیمئه تقاصه اون أجی هیته.»