عبرأنیأن 10:1 - کتاب مقدس به زبان گیلکی - گویش شرقی

¹ چون شریعت هچی آینده خؤرمچی ئن سایهَ، و نه اوشون واقعی شکل. هین وأسی هرگی مننئه او قوربؤنی ئن همره که هر سال هیطؤ تقدیم بنه، اوشؤنیِ که پرستش ئبه نزدیک هنن، کامیلأکونی.

Gilaki New Testament

¹ موسا شریعت و اونی مذهبی رسم و روسومأن، فقد ایتأ شیکل و شمأیل و محوٚ سأیه ایسٚه جٚه او خورومٚ کأرأنی کی وأستی مسیح اَمِرِه سوغأت بأوٚره، ولی اوشأنٚ رأس‌رأسِی شیکل و شمأیل نییٚه. هنٚ وأسی، اَطوچی شریعت نتأنِه هو سأل بٚسأل تترج قوربأنیأنٚ اَمرأ، اوشأنی‌یَ کی عیبأدتٚ وأسی خودا ورجأ اَیٚده، کأمیلَ کونٚه.

کتاب مقدس به زبان گیلکی - گویش رشت و غرب گیلان

¹ چونکی شریعت فقط آینده خُب چیانِ سایه ایسه، و نه اوشانِ واقعی شکل، هنِ واسی، هرگس نتانه اُ قربانیانِ امرا کی هر سال هَطو تقدیم به، اوشانیَ کی پرستشِ ره نزدیک اَئیدی، کامل بُکونه.

عبرأنیأن 10:1 ပူးပေါင်းရင်းမြစ်များ

رومیأن 8:3

چون شریعت او چیَ، این واسئه که آدمی جسم ضعیف ایسه، مننیس انجوم بدئه، خُدا انجوم بدا. او خوشه پسرَ یکته گُنا کارِ جسم مورسون سرادا تا: ’گُنای قوربونی‘ ببون، و ایطو جسم مئن، گُناه محکوم بوده.

کولسیان 2:17

ایشؤن او چئن سایه ایسه که هنه، ولی اوشؤن اصل مسیح شئه.

عبرأنیأن 10:22

باین یکته راست دیل و تموم و کمال ایمون همره خدا نزدیکأبیم و امئه دیلونه بد وجدون جی پکاکونیم و امئه تنه پاک آؤ همأ بشوریم.

عبرأنیأن 7:11

ایسه اگه کاملأبؤن، لاوی کاهینؤن مقؤم أجی انجوم بیته بی، د چی احتیاجی بو که یکته د کاهین، ملکیصدق موقؤم جی بأی، عوض ای که هارون مقوم جی ببی؟ چونکه لاوی کهانت دوره مئن، شریعت، یهود مردومه هدأ بوبو.

عبرأنیأن 8:5

اوشون آسمونی چیزونه نمونه و سایه کونن. هینه واسه، چون او زمت که موسی خاس خیمهَ برپا بکونی، خدا اونه حکم بوده و بوته: «تی حواس هننأبی که همه چئه عَین او نمونه که کوه مئن تأ نشؤن بدأ بوبؤ چاکونی.»

عبرأنیأن 9:11

اما وقتی مسیح، پیله کاهن مقؤم مئن، خؤرمچی ئن ئبه بمأ که ایسه امئه نصیب بوبؤ، او یکته پیله تر و کاملتر خیمه مئن بمأ که دست جی چاگوده نوبو و ای خلقت شی نئه.

عبرأنیأن 9:23

پس خأ ای چیزؤن، که آسمؤنی چیزؤن جی یکته نمونه ایسن، ای قربؤنی ئن همرأ پکأبون، اما خود آسمؤنی چئن او قربونی ئن همأ که ایشون جی بهتره پکأبنن.

عبرأنیأن 9:25

و ایطؤ نئه که او خوشه تترج قوربؤنی بکونی، یکته پیله کاهین جور که هر سال قدس الاقداس مئن شنه، اونم او خون همأ که خودش خون نئه.