غلاطیأن 6:12 - کتاب مقدس به زبان گیلکی - گویش شرقی

¹² اوشؤنی کی خأنن وانمود گودن همرأ خوشؤنه خوب نوشؤن بدئن، شمره وأدأنن کی ختنه ببین، هچی این وأسئه کی مسیح صلیب خؤنی عذاب نکشن.

Gilaki New Testament

¹² اوشأنی کی شٚمٚره وأدأرٚده کی ختنه بیبید، فقد ایتأ نیّت دأرٚده: اَنکی اوشأنی معروفیت و ایحترأم دأشتٚنَ ضرر نوخوره و جٚه او اَذِت آزأری کی اَشأنٚ اعتقأدٚ وأسی کی "نیجأت جٚه مسیح صلیبٚ رأ" بٚدٚس اَیِه، در اَمأن بئیسٚد

کتاب مقدس به زبان گیلکی - گویش رشت و غرب گیلان

¹² اوشانی کی خوائیدی وانمود کودَنِ اَمرا خوشانَ خُب نیشان بدید، شمرأ وادار کونیدی ختنه بیبید، فقط اَنه واسی کی مسیحِ صلیبِ خاطری عذاب نکشید.

غلاطیأن 6:12 ပူးပေါင်းရင်းမြစ်များ

متّی 23:27

«وای بر شمه ای تورات معلمون و فریسی ان، ای ریاکارؤن! چونکه شمه سفید‌َ بُو قبرؤنِ مورسونین که بیرونای قشنگ بنظر هنه، امّا اوشونِ میِئن مُرده​أنِ خاش و جورواجور نجیسی أناجی پور ایسّه!

متّی 23:28

هینه واسه، شمرَم خودتؤنِ مردوم به صالح نیشون دِئنین، امّا شیمه باطن میئن ریاکاری و شّرَ جی پورا گوده ایسّه.

متّی 23:5

هر چی کؤئنن، اینه واسه که مردوم اوشونه بَینَن: آسمونی کتاب آیه أنِ نیویسَنن و خوشونِ بازو و پیشونی سر دوَدَنن و خوشؤنِ ردا پره پهنتر چأکوئنَن.

متّی 5:10

خوش​بحال اوشؤنی که عدالت راه میئن آزار اینَن. چونکه آسمون پادشاهی اوشونه شِه.

متّی 6:16

وختی که روزه گینین، ریاکارؤنِ مورسون شمره زال بأرده نیشون ندین، چونکه اوشؤن خوشؤنه قیافِه رنگ و روئه وگردنئنن تا مردومِ ورجه خوشؤنِ روزه دار نیشؤن بدِئن. راست راستِ شمره گونم که خوشؤنِ پاداشِ هیتَن.

متّی 6:2

«پس وختی که صدقه هَدی، جار نزن، هوطو که ریاکارؤن، عبادتگاه أن و کوچه​أنِ میئن کوئنَن تا مردوم اوشونای تعریف بکونَن. راست راستِ شمره گونم که، ایشون خوشؤنِ پاداشِ هَیتن.

متّی 6:5

وختی که دعا کوئنی، ریاکارؤنِ مورسؤن نَبوُ. چونکه اوشؤن دوست دئنن، عبادتگاه أنِ میئن و کوچه​أنِ گوشه کنار بیسئن و دعا بکونَن تا مردوم اوشؤنه بینَن. راست راستِ شمره گونم، ایشون خوشؤنِ پاداشِ هَیتن.

لوقا 16:15

عیسی اوشونه بوته: «شمه او کَسونی ایسیّن که خودتونِ مَردم به صالح نیشون دئنین، امّا خُدا شیمه دیلؤنای خبر دَئنه. چونکه اوچیزی که مَردم اونه خیلی ارزش دِئنَن، خُدا دید میئن ناپسند ایسّه!

لوقا 20:47

از یه طرف بیوه زناکؤنِ خونه چاپنَن و از اوطرف ریا واسه، خوشونه دُعا درازه دئنَن. ایشونه عذاب خیلی سخت‌تر ایسّه.»

یوحنا 7:18

اونی که خوشَ جی گونه، خوشِ جلالِ دومبالِ، امّا اونی که خوأنه خوشِ سرا دائن کسِ جلال بدای، راست گونه و اونه میئن هیچ دروغی ننأ.

اعمالٚ رسولأن 15:1

اما چند نفر یهودیه ولایت جی اَنطاكیه شهر بومَئن. اوشون برارونِ تعلیم دئن که: «اگه طبق موسی پیغمبر سنت ختنه نبین، منین نجات پیدا کونین.»

اعمالٚ رسولأن 15:5

ولی بعضی از فَریسی أنِ فرقه عالمون که ایمؤن بأرده بون، ویریسَئن، بوتَن: «واجبِ که غیر یهودی أن ختنه بوبوئن و ایشونِ دستور بدین که موسی شریعتِ بدارن.»

دوم قرنتیان 10:12

نه ای که امه جرأت کونیم امره اوشون جرگه اجی بحیساب باریم کی خوشون اجی تعریف کونن یا خوشونه کس کس هما مقایسه کونن. ولی او موقع اوشونی که خوشونه کس کس همرا سبک سنگین کونن و خوشونه کس کس همرا مقایسه کونن، نفهمنن.

دوم قرنتیان 11:13

چونکی ای جور ادمون، دورؤغ رسولون و دغلباز کارگرونن کی خوشونه مسیح رسولون مورسون چاکونن.

غلاطیأن 2:14

ولی مو وقتی بدئم اوشؤن انجیل حقیقت راستی مئن قدم وینگینن، همه کس جلؤ کیفا بوتم: «أگر تو کی یهودی ایسی، غیریهودئن مورسؤن زیندگی کؤنی و نه یهودئن مورسؤن، چوطؤ ایسه کی غیریهودئنه وأدأنی کی یهودئن مورسؤن رفتار بوکونن؟»

غلاطیأن 2:3

اما حتی تیتوس کی می همرأ ایسأبو، با ای که یونؤنی بو، اونه وأندأشتن کی ختنه ببون.

غلاطیأن 5:11

اما ای برأرؤن، أگر مو هندئه ختنه گودنه مؤعظه کأدبی، چره د أذئت و آزار دئم؟ پس أگه ایطؤ بوده بی، د صلیب پیغؤم هیکسه بر نوخؤردنأبو.

غلاطیأن 6:13

چون حتی اوشؤنی کی ختنه بنن شریعته بجا نأبئنن، بلکی خأنن شمه ختنه ببین تا شیمئه جسم مئن گولاز بوکونن.

فیلیپیان 1:15

بعضئن حسودی و چوشم و همچوشمی سر مسیحه موعظه کونن، ولی بعضئن خورم نیت همأ ای کاره کونن.

فیلیپیان 2:4

هیتته از شمه، هچی خوشه منفعت فیکر دنبون، بلکی دیگرون فیکرم بوکونه.

فیلیپیان 3:18

چونکی مو چندین دفأ اوشؤن باره شمره بوته دأنم و حتی ایسه نی می أرسؤن همرأ گونم، خیلئن، مسیح صلیب دوشمنون مورسون کردکار دأنن.

کولسیان 2:23

هرچند وقتی کی ای خودساخته دین أجی و تن ریاضت و تنه سخت گیتن أجی گب زئنین، حکیمؤنه نظر رسنه، اما ایشؤن این مئن که هوا و هوس جلؤ بگیرن، هیچ کاری ایشؤن دست أجی بر نأنه.