غلاطیأن 4:3 - کتاب مقدس به زبان گیلکی - گویش شرقی

³ أمئبه هم هیطؤره: تا او زمت که أمه کوشتأی بیم، ای دونیا قانونؤن نؤکر بیم.

Gilaki New Testament

³ هه مأجیرأ اَمٚرَه‌یٚم نٚهأ. وختی زأی بیم، دونیأ اَصلٚ‌ کأری روحأنٚ قودرتٚ دٚس اسیر بیم.

کتاب مقدس به زبان گیلکی - گویش رشت و غرب گیلان

³ اَمی باره ئَم اَطویی ایسه: تا زماتی کی زای بیم، اَ دُنیا قانونانِ نوکر بیم.

غلاطیأن 4:3 ပူးပေါင်းရင်းမြစ်များ

متّی 11:28

«می ورجه بأین، ای تمومِ زحمتکشؤن و کسونی که سنگین بار دئنین، که مو شمره آسایش هدِئنَم.

یوحنا 8:31

بازین عیسی یهودی أنی که اونه ایمؤن بارده بون، بوته: «اگه می کلامِ میئن بَیسین، راست راستِ می شاگرد بنین.

اعمالٚ رسولأن 15:10

پس الؤن چرِء خدا امتحون کوئنین و یکته پیشکابول شاگردونِ گردن نِئنین که نه اَمه تینسیم اونه هکشیم، نه اَمه پئرؤن؟

رومیأن 7:14

چون اَمه دونیم کی شریعت روحونیئه، ولی مو آدمی ایسم جسمونی و یکته نوکر مورسون گنا بفورته بوبوم.

رومیأن 8:15

چره کی شمه نوکری روحَ هینتین تا هندئرم ترس مئن دکین، بلکی شمه پسرون موقوم مئن فرزند خوندگی روحَ هیتین، کی بواسطه او داد زئنیم: «می پئر، آقا جون.»

دوم قرنتیان 11:20

چونکه اگر یگ نفر شمره خوشه غولؤم چاکونه یا ای کی شمره فبره یا شمراجی سو ایستفاده بوکونه، یا خوشه شمراجی سرتر بودونه، یا شیمئه دیمه سللی بزنه، تاب ابئنین.

غلاطیأن 2:4

ای نیگرؤنی او دورؤغی برأرؤن وأسی بو کی جیرجیرکی أمئه مئن بمأن تا او آزادئه کی مسیح عیسی مئن دأنیم گب‌خبربری بوکونن و أمره بردگی به بگیرن.

غلاطیأن 3:19

پس شریعت أجی منظور چی بو؟ شریعت، تقصیرات وأسی ایضافه بوبؤ، اونم هچی تا او زمت که او «نسل» که او وعده ایشاره گود، بأ. شریعت بواسیطه فرشته ئان و یکته واسیطه‌گر دست أجی برقرار بوبؤ.

غلاطیأن 4:2

و تا او زمت که اون پئر معین بوده، خوشه سرپرستؤن و وکیل وصئن دست جیر ایسأ.

غلاطیأن 4:24

اینه شأنه نقل جور گوتن: ای دوته زنأی، دوته عهدن. یکته سینا کوه أجی ایسه، کی نؤکری به زأک چینه: او هاجر ایسه.

غلاطیأن 4:25

ألؤن هاجر سینا کوه ایسه، عرب دیار مئن، اورشلیم شهر همأ که ألؤن هنّأ برابری کؤنه، چونکی خوشه زأکؤن همأ نؤکری مئن ایسأ.

غلاطیأن 4:31

پس أی برأرؤن، أمه کولفت زاکؤن نیم، بلکه آزاد زنأک أجی ایسیم.

غلاطیأن 4:8

پیشتر، او زمت کی خدا نشناختین، یگ سری چیزؤن نؤکرئه گودین که حقیقتا خدایؤن نئن.

غلاطیأن 4:9

اما ایسه خدا شناسنین، یا بهتر بوگؤم، خدا شمره شناسنه، چوطؤ ایسه که هندئه ای دونیای سوست و بی‌ارزش قوانین ور وگردنین؟ خأنین دومرته اوشون ئبه نؤکری بوکونین؟

کولسیان 2:20

أگه شمه مسیح همرأ نسبت به ای دونیای اصول بمردین، چره اوشؤن مورسؤن کی بخألئه حلئه ای دونیا شی ایسن، اون قانونؤنه عمل کؤنین، او قانونؤن کی گونه:

کولسیان 2:8

واخوب ببین تا هیکس شمره فلسفه و پوچ فریب همأ گیرفتارأنوکونه، کی نه مسیح سر، بلکه آدمؤن رسم و رسومات و ای دونیای اصول سر پابرجا ایسه.

عبرأنیأن 5:12

چون هرچند که شمه تا ایسه خأسی معلیم ببین، احتیاج دَئنین یک نفر خدا کلومه دومرته شمره باموجی. شمه هلِه شیر خأنین، نه سنگین غذا.

عبرأنیأن 7:16

او نه شریعتِ او حکم جی که اون نسله مربوط بنه، بلکه او زندگی قوت جی که از بین نشنه کاهین بنه.