غلاطیأن 2:5 - کتاب مقدس به زبان گیلکی - گویش شرقی

⁵ ولی أمه هیچ اوشؤن تسلیم نوبؤیم تا انجیل حقیقت شیمئبه تمؤم و کمال محفوظ بومؤنه.

Gilaki New Testament

⁵ امّا اَمأن اوشأنی خأسته‌یأنٚ وأسی ای دٚقّه‌یٚم تسلیم نوبوستیم، چونکی خأستیم اینجیلٚ پیغأمٚ دوروستی شِمِره حیفظ بٚبه.

کتاب مقدس به زبان گیلکی - گویش رشت و غرب گیلان

⁵ ولی اَمان هی ذره اوشانَ تسلیم نُبوستیم تا انجیلِ حئیقت شمرأ تمان و کمال محفوظ بمانه.

غلاطیأن 2:5 ပူးပေါင်းရင်းမြစ်များ

اعمالٚ رسولأن 15:2

بازین پولُس و بَرنابا خیلی اوشؤنِ أمره بحث و مخالفت بودَن، قرار بر ایی بوبؤ که او دو نفر چند ته ایماندارؤنِ أمره، اورشلیم شهر بوشؤئن و ایی مسئله‌ رسولؤن و شیخون أمره در میؤن بنِئن.

غلاطیأن 1:6

می مات واخوشته کی شمه هَندی زود اونئه کی شمره مسیح فیض همأ دوخؤنده ویلأگودین و یکته د انجیل سو رو وگردؤنین.

غلاطیأن 2:14

ولی مو وقتی بدئم اوشؤن انجیل حقیقت راستی مئن قدم وینگینن، همه کس جلؤ کیفا بوتم: «أگر تو کی یهودی ایسی، غیریهودئن مورسؤن زیندگی کؤنی و نه یهودئن مورسؤن، چوطؤ ایسه کی غیریهودئنه وأدأنی کی یهودئن مورسؤن رفتار بوکونن؟»

غلاطیأن 4:16

پس ألؤن چون حقیقته شمره گونم، بوبؤم شیمئه دوشمن؟

افسسیان 1:13

شمرأم اون مئن، او زمت که حقیقت کلومه، کی شیمئه هو نجات انجیله بشتؤسین و اونه ایمون باردین، روح القدس موعود همأ مُهر بوبوین،

کولسیان 1:5

کی ایشؤن او امید أجی سرچشمه گینه که آسمؤن مئن شیمئبه بدأشته بوبؤ. ای اومید کی قبلتر اون باره حقیقت کلؤم، یعنی انجیله بشتؤسین،

اوّل تسالونیکیان 2:13

أمرأم تترج خدا این ئبه شکر کؤنیم که او زمت کی خدا کلؤمه قبول بودین، او کلؤم که أمرأجی بشتؤسین، اونه نه آدمی کلؤم مورسؤن، بلکی خدای کلؤم موسؤن تنأگیتین؛ هوجور که حقیقتا نی ایسه، کی شمه ایمؤندارؤن مئن کار کؤنه.

یهودا 1:3

أی عزیزؤن، با ای کی خیلی شؤق دأشتم تا او نجات باره که أمه همه ته اون مئن سهم دأنیم شیمئبه بنویسم، ولی لازیم بدئم ای چند خطه نیویشتن أجی، شمرأجی بخأم که او ایمؤن مئن که یک دفأ همیشک ئبه مقدسینه بسپارده بوبؤ، تقلا بوکونین.