کولسیان 4:8 - کتاب مقدس به زبان گیلکی - گویش شرقی

⁸ اونه شیمئه ور سرأدئنم تا أمئه حال أجی واخوبأبین، تا شمره دیلگرم بوکونه.

Gilaki New Testament

⁸ اونَ فقد هنٚ وأسی شیمی ورجأ اوسه کونم کی اَمی چند و چوندٚ حألٚ جَا وأخٚوٚرٚ بید و اونٚ گبأنٚ ایشتأوٚستٚنٚ اَمرأ دیلگرم و تِشویق بیبید.

کتاب مقدس به زبان گیلکی - گویش رشت و غرب گیلان

⁸ اونَ شیمی ورجه اوسه کونم تا اَمی حالِ جا وا خبر بیبید، تا شمرأ دیلگرم بُکونه.

کولسیان 4:8 ပူးပေါင်းရင်းမြစ်များ

اوّل قرنتیان 4:17

هینه وسه تیموتائوسِ که می عزیز زاک ایسّه و خداوند میئن وفاداره شیمه ورجه سرادام، تا می راهؤنه مسیح عیسی میئن شمره یاد باره، هوطو که او راهؤنه همه جا همته کلیساأنِ میئن آموجبِئنَم.

دوم قرنتیان 1:4

او خدا که اَمره تموم امی مصیبتون مئن تسلی دئنه، تا اَمرم بتونیم اوشونیه که مصیبتون مئن ایسان، با او تسلی که اوناجی هَیتیم، تسلی بدیم.

دوم قرنتیان 12:18

مو تیتوس اجی خواهش بودم کی شیمئه ورجه با و امئه برارم اون هما سرادام. مگر تیتوس شمراجی منفعتی ببرده؟ مگه امه یکته روح مئن عمل نوکونیم؟ مگر کس کسون همرا یکته را نوشویم؟

دوم قرنتیان 2:7

پس ده باء اونه ببخشین و دیلداری بدین، نبی که زیادی غصه، اونه تودی.

افسسیان 6:22

مو اونه این واسی شیمئه ورجه سرأدئنم تا امئه احوال اجی واخوبابین، و تا او شمره دیلگرم بوکونه.

فیلیپیان 2:28

پس مو اونه سرادان اجی ویشته ذوق دأنم، تا یک دفأ د اون دئن أجی خوشحالأبین و می غصه أجی نی کمأبون.

کولسیان 2:2

تا دیلگرم ببون و هوطؤ کی محبت مئن کس کس همرأ متحدن، او ایطمینؤن کامل و بی حد و حیساب پوری کی فهم أجی بدست هنه بهره ببرن و هی را یأجی خدا راز، یعنی مسیحه، بشناسن،

اوّل تسالونیکیان 2:11

چون شمه دؤنین کی چوطؤ، أمه یکته پئر مورسؤن کی خوشه زاکؤن همرأ رفتار کؤنه،

اوّل تسالونیکیان 3:2

أمه تیموتائوسه که أمئه برأر و خدای همکار ایسه مسیح انجیل کار مئن، شیمئه ورجه سرأدأیم تا شمره شیمئه ایمؤن مئن تقویت و تشویق بوکونه.

اوّل تسالونیکیان 3:5

هین وأسئه، چونکی د تاب أرده مننیسم، تیموتائوسه سرأدأم تا شیمئه ایمؤن أجی باخبر ببوم، چون ترسئم که او وسوسه‌گر، یعنی ابلیس، یک جور شمره وسوسه بوده بی و أمئه زحمت هدر بوشؤبی.

اوّل تسالونیکیان 4:18

پس ای گبؤن أجی، کس کسؤنه تشویق بوکونین.

اوّل تسالونیکیان 5:11

پس کس کسه تشویق بوکونین و ایمؤن مئن تقویت بوکونین، اوجور کی هی ألؤنم کؤنین.

اوّل تسالونیکیان 5:14

أی برأرؤن، شمرأجی خواهش کؤنیم کی تنبلؤنه أندرز بوکونین، ترسوؤنه تشویق بوکونین، ضعیفؤنه کمک بوکونین؛ و همه کس همرأ صبور ببین.

دوم تسالونیکیان 2:17

شیمئه دیلؤنه تسلی بدئه و هر خؤرم کار و گوفتار مئن، پابرجا بوکونه.