اعمالٚ رسولأن 8:5 - کتاب مقدس به زبان گیلکی - گویش شرقی

⁵ فیلپُسم بوشو یکته از سامره شهرؤن و اوره، مردومِ مسیحِ باره تعلیم دَ.

کیتاب مقدّس به گیلکی (رشتی)

⁵ فیلیپُس به ایتأ جٚه شهرأنٚ اوستانٚ سامره کی شومالٚ اورشلیم نهَه‌بو، بوشو و پیغامٚ مسیحی مردومٚ‌ره موعظه بوکوده.

Gilaki New Testament

⁵ فیلیپُسم بوشؤ ایتأ جٚه سأمره شهرأنٚ میأن و جٚه مسیح، اویَه آدمأنٚ اَمرأ گب زِئی.

کتاب مقدس به زبان گیلکی - گویش رشت و غرب گیلان

⁵ فیلیپُس ایتا جه سامره شاران بُشو و اویا مسیحِ باره مردومَ تعلیم دئی.

اعمالٚ رسولأن 8:5 ပူးပေါင်းရင်းမြစ်များ

اعمالٚ رسولأن 1:8

ولی وختی که روح‌القدس شیمه به نازل ببی، قوت گینین، اورشلیم شهرمیئن و همه یهودیه‌ ولایت و سامره و دونیا دور دکته ترین جاأن میئن می گواهون بنین.»

اعمالٚ رسولأن 21:8

فردایی، اورای بوشویم و قیصریه شار بومایم. أمه فیلیپُس مبشر خونه که یکته از او هفت نفر بو که خدمت واسه انتخاب بوبو بو، بشیم و اون ورجه بئیسیم.

اعمالٚ رسولأن 5:42

و اوشون هرروز چی معبد میئن و چی خونه أن میئن، تعلیم دئن و خوروم خبرَ هدئن که عیسی هو مسیح موعود ایسّه، دست وینتَن.

اعمالٚ رسولأن 6:5

ایی گبی که رسولؤن بوتن همته خوش بمَه. اوشون استیفانِ که یکته مرداکی بو پر از ایمؤن و روح‌القدس انتخاب بوئدن، و هیطورم فیلپُس، پْروخُروس، نیكانُور، تیمون، پارمِناس و نیکولائوس، که انطاكیه میئن یهودی بوبؤبوئنِ انتخاب بودن.

اعمالٚ رسولأن 8:1

سولُس استیفان كوشتَنِ أمره موافق بو. بعد او روز، یکته پیله آزار و اذیت، اورشلیم كلیسا ضید شروع بوبؤ، اوجور که بغیر رسولؤن، تمومِ ایماندارؤن، یهودیه ولایت و سامره سامون، پخش و پلا بوبوئن.

اعمالٚ رسولأن 8:26

یکته از خداوند فرشته فیلیپُس بوته: «ویریس و جنوب سو بشو، او راه که اورشلیم اجی غزه سو شنه.» ایی راه بیابونی ایسه.

اعمالٚ رسولأن 8:30

پس فیلیپُس ارابه طرف بُدوؤسه و بشتؤسه که درباری خواجه اِشَعْیای پیغمبر كتاب خوندره. اونه بوته: «اوچیِ که خوندری، فهمنی؟»

اعمالٚ رسولأن 8:40

ولی فیلیپُس، خوشِ اَشدود منطقه میئن بدِه. او همته او شهرؤن منطقه میئن گرس و انجیل خوروم خبرِ رسونی تا قیصریه شهرِ برسِه.

اعمالٚ رسولأن 8:6

وختی که جماعت زیادی، فیلیپُسِ گبؤنِ بشتؤسَن و نشونه أنی که او انجوم دَ بدئن، همته‌ با دقت اوچیزی که گوت گوش بدَئن؛

اعمالٚ رسولأن 9:20

او تند تندی یهودِ عبادتگاه أن میئن شروع بوده ایی پیغوم اعلوم گودَن که عیسی خدا ریکاکه.

اوّل قرنتیان 1:23

ولی أمه مصلوبابو مسیحه موعظه کونیم که یهودی أنِ به سنگئه مونه که گرادئنه و غیر یهودی أن به نادونیه،

اوّل قرنتیان 2:2

چونکه تصمیم بیته بوم شیمه میئن هیچی ندونم بجز عیسی مسیح، اونم مصلوب بوبو عیسی.

اوّل قرنتیان 3:11

چونکه هیشکس منئه به غیر او پی که بکنده بوبؤ یعنی عیسی مسیح یکته پی دیگر بکنی.