اعمالٚ رسولأن 5:36 - کتاب مقدس به زبان گیلکی - گویش شرقی

³⁶ چونکه چند وخت پیشؤن، یکته مردکای که اینه ایسم تِئوداس بو ویریسَه و ادعا گود که خوشِ كسی‌ایسه، و حدود چهار صد نفرم خو دور جومَه گوده. ولی اونه بکوشتن و اونه دومباله رؤئنم همه پخش و پلا بوبوئن.

کیتاب مقدّس به گیلکی (رشتی)

³⁶ چونکی پیشترم، ایتأ مردای تِئوداس نامی ویریشته‌بو و گفتی کی من مِره کسی ایسم و حدودٚ چهارصد نفرم اونٚ طرفدار بوبوستید. دولتم اونَ بوکوشته، او طرفدارأنم همه پخش و پلا بوبوستیدی و تومامی‌یٚ اونٚ نقشه‌یأن، نقش بر آب بوبوسته.

Gilaki New Testament

³⁶ ایپچه پیشتر، ایتأ مردأی تئودا نأم ایدعأ کودی کی ایتأ پیله کس ایسه، چأرصٚد نفرَ خو اَمرأ همدٚس چأکود. اون بوکوشته بوبوسته و اونی شأگردأنم یوأش یوأشِی دورجین ورجینَ بوستٚد.

کتاب مقدس به زبان گیلکی - گویش رشت و غرب گیلان

³⁶ چونکی، چن وقت پیش، ایتا مردای تئوداس نام ویریشت کی خوره ادعا کودی کسی ایسه و حدود چارصد نفرَ خو دور جمَ کوده بو. ولی اونَ بُکوشتید و تمانِ اونِ دُمباله روئان پخشَ بوستید.

اعمالٚ رسولأن 5:36 ပူးပေါင်းရင်းမြစ်များ

متّی 24:24

چونکه دروغِ مسیحی ان و پیغمبرؤن الکی ویریسَنَن، نیشؤنه و پیله معجزه أن أَبِئنَن تا اگه ممکن ببی، حتّی سیوا بوبوکوئنم گمراه بکونَن.

متّی 24:26

پس اگه شمره بوگُوئن، ”او بیابان میئن ایسه،“ اوره نشین. و اگه بوگُوئن: ”خونه میِئن ایسأ،“ باور نکونین.

متّی 24:5

چونکه خیلی‌ین به ایسم مو هنن و گونن که، ”مو مسیح موعود ایسّم،“ و خیلی​أنِ گمراه کؤئنَن.

اعمالٚ رسولأن 21:38

مگه تو هو مصری نی یی که چند وقت پیش یکته شورش بپا بوده بو و چهار هزار ته آدمکوش خو أمره بیابان میئن ببورده؟»

اعمالٚ رسولأن 5:35

بازین اوشؤنی که اوره ایسابؤنِ بوته: «ای یهودی أن، مواظب ببین ایی مرداکونِ أمره چی خوائنین بکونین.

اعمالٚ رسولأن 8:9

و اما او شهر میئن یکته مردکای زندگی گود که اونه ایسم شمعون بو که سامره مردمِ پیشتر، خو جادوگری أمره ماتَ گوده بو و ادعا گود که خوشِ یکته پیله کسی ایسّه.

غلاطیأن 2:6

اما اوشؤن کی بانفوذ نظر أمأن - هرکی بون مئه فرقی ندأنه، چونکی خدا هچی هیکسه طرفداری نوکؤنه - اوشؤن هیچی مأ ایضافه نودن،

غلاطیأن 6:3

چون أگر یگ نفر خوشه کسی حیساب بأره کی نئه، خوشه گول زئدره.

دوم پطرس 2:18

چونکی بولند صدا همأ گبؤنی زئنن کی خودخواهی و نفهمی جی پوره، اوشؤنئه کی سختی همرأ بد آدمؤن چیکال أجی در بوشؤن، خوشؤن هوا و هوسؤن دؤم مئن تؤدئنن.

دوم پطرس 2:2

خیلئن ایشؤن بی عیفتئن دومبال دکئنن و هیشؤن خؤنی، حقیقت راه کفر گونن.

یهودا 1:16

ایشؤن غرغر زئنن و تترج ایراد گینن و خوشؤن گوناه آلود خواسته ئان دومبال درن، اوشؤن مغرور گبؤن خوشؤن زبؤن سر أبئنن و خوشؤن منفعت وأسی مردوم مئن فرق نئنن.

موکأشفه 17:3

او فریشته مأ خدا روح مئن ببرده یکته بیابؤن. اؤره یکته زنأکه بدئم که یکته سورخ وحشی جؤنور سر نیشته. او جؤنور تن، کفرآمیز ایسمؤن همرأ بپوشؤنئه بوبؤبو و هفت ته سر و ده ته شاخ دأشت.

موکأشفه 17:5

و اون پیشؤنی سر ای مرموز نؤم بنویشته هنّأبو: «پیله بابل، فاحیشه ئان و زمین زشتی ئن مأر.»