اعمالٚ رسولأن 5:12 - کتاب مقدس به زبان گیلکی - گویش شرقی

¹² رسولؤن همش نیشونه أن و خیلی معجزه أن مردومِ میئن انجوم دَئن و ایماندارؤن همته‌ یكدل ایوانِ سلیمانِ میئن جومَه بوئن.

کیتاب مقدّس به گیلکی (رشتی)

¹² نیشأنه‌یأن و معجزاتٚ فراوانی جٚه رسولأنٚ دس، مردومأنٚ رِه آشکارَ بوستی و ایماندارأن همه‌تأن یکدیل سلیمانٚ ایوانٚ میأن، دورٚ هم جمَ بوستیدی.

Gilaki New Testament

¹² روسولأن موجیزه مأنستَن نیشأنه‌یأن و خٚیلی عجأیب غرأیب کأرأن کودیدی. و تومأمٚ مؤمینأن دال‌بدال معبدٚ میأن ایتأ شرأ کی سولیمأنٚ ایوأن نأم دأشتی دوعأ کودنٚ وأسی جمَ بوستیدی.

کتاب مقدس به زبان گیلکی - گویش رشت و غرب گیلان

¹² رسولان همیشک نیشانه ئان و مُعجزه ئان زیادی مردوم میان انجام دیئیدی و ایمانداران، همتان یکدیل سلیمان ایوان درون جمَ بوستید.

اعمالٚ رسولأن 5:12 ပူးပေါင်းရင်းမြစ်များ

مَرقُس 16:20

شاگردونم بیرون بوشؤئن، همه جا تعلیم دئن. خُداوند ایشونِ امره کار گود و خوشِ کلام او نیشانه أن و معجزه أن أمره که شاگردون انجوم دئن، ثابت گود.

یوحنا 10:23

و عیسی معبد میئن، ایوؤن سلیمان میئن راه شؤدبو.

یوحنا 4:48

عیسی اونه بوته: «تا نیشونه و معجزه أن و عجایب غرایب چی أن نَینین، ایمؤن نأبِنین.»

اعمالٚ رسولأن 1:14

ایشون همته، زنأكؤن أمره و مریم عیسی مَئرَ و اونه برأرؤن أمره، یكدل تمؤم خوشؤنِ وختِ دعا به نَئن.

اعمالٚ رسولأن 14:3

پس پولُس و بَرنابا خیلی زمت اوره بِیسَئن و شجاعت أمره خداوند بِه گب بزِئن، خداوندی که ایشؤنِ قدرت هدَای تا نیشونه أن و معجزات بأرن و ایطوری خوشه فیض پیغؤمِ تأئید گود.

اعمالٚ رسولأن 16:18

او کولفت خیلی روزون ای کار گود. سرآخر پولُس صبر به سربومَه و وگرسه و او کولفت روح بوته: « عیسی مسیح ایسم أمره تَه دستور دِئنَم که ایی لاکؤکا جی بیرون بأی!» هو دم روح او لاکؤکا جی بیرون بومَه.

اعمالٚ رسولأن 19:11

خدا پولُس دست أمره عجایب غرایب معجزه أن آشکار گود،

اعمالٚ رسولأن 2:46

ایشون هر روز، معبد میئن همدیگرِ أمره جومَه بوئن و خوشؤنِ خونه أنِ میئنم نون پئرَه گودن و دست دلبازی و شادی أمره غذا خوردن

اعمالٚ رسولأن 28:9

بعدِ ایی اتفاق، بقیه ناخوشؤن که جزیره میئن ایسا بوئن، اَمَئن و شفا پیدا گودن.

اعمالٚ رسولأن 3:11

هو زمؤن که او مردکای پطرس و یوحنا أمره شوئدبو و اوشونای سیوا نبنه بو، مردم همته حیرونَ بو ’ایوان سلیمان‘ میئن، ایشونِ سو بودوؤسَن.

اعمالٚ رسولأن 4:30

و تی دستم شفا هدئن بِه درازَ كون و تی مقدس خدمتگزار، عیسی ایسم أمره، نیشونه أن و معجزات انجوم بدی.»

اعمالٚ رسولأن 9:33

اوره ینفرِ بدِه بایسم اینیاس که هشت سال فلج و زمینگیر بو.

اعمالٚ رسولأن 9:40

ولی پطرس، همتَه، اطاقَ جی بیرونَ گوده و زانو بزه، دعا بودِه. بازین جنازه سمت وگرسه و بوته: «طابیتا، ویریس!» طابیتا خو چیشمونِ وأگوده و وختی پطرسِ بدِه، بنیشته.

رومیأن 15:19

او اینه نشونه ئان و معجزاتِ نیروی همرا، يعنی خُدا روحِ نيرو همرا انجوم بدا، هوطوکی اورشلیم اجی تا ایلیریکومَ بوشؤم، مسیحِ انجیلِ خدمته تماما، انجوم بدام.

دوم قرنتیان 12:12

یکته حقیقتی رسول نوشونه ئان، نهایت صبر و تحمل هما شیمئه مئن آشکارابو، نشونه ئان و معجزات و کارونی کی قدرت همرا ایسه.

عبرأنیأن 2:4

هوطو که خدا هم جورواجور نیشونه ئان و عجایب غرایب معجزه أن و روح القُدس عطائان که عین خو اراده دئنه، او نجات ئبه شهادت دأ.